Kurdî  ■  كوردی  ■  عربي
WED, 25 APR 2018 21:07 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Asayîşa Yekîtiya Ewropa: Em dixwazin alîkariya Kurdistanê bikin
| KDP.info


Hewlêr-KDP.info- Şêwirmendê Encûmena Asayîşa Herêma Kurdistanê li gel şandeke Yekitiya Ewropa (YE) ya tîma çaksaziya asayîşê li Iraqê civiya û di wê hevdîtinê de şanda mêvan tekez kir ku ew dixwazin alîkariya Herêma Kurdistanê bikin.

Îro 11.04.2018ê Şêwirmendê Encûmena Asayîşa Herêma Kurdistanê Mesrûr Barzanî li gel berpirsê ofîsa tîma YE yê çaksaziyên asayîşê li Iraqê Marks Retter û şandeyek li gel civiya. Di hevdîtinê de berpirsê ofîsa YE yê li Hewlêrê Kloaris Pastorî jî amade bû guftûgo derbarê mekanîzmeya danûstandinên li gel gefên ewlehiyê û parastina jiyana hemwelatiyên sivîl hate kirin.

Destpêkê de Marks Retter kurte axaftinek derbarê erkê tîma YE yê ya çaksaziya ewlehiyê li Iraqê û armanca serdana xwe ya herêma Kurdistanê de kir û ragehand, karê wan bo temamê Iraqê ye û taybete bo pêşkeşkirina alîkariyên teknîk û şîret kirin bo rêxistina çaksazî û pêşxistina stratejiya derbarê ewlehiyê li Iraqê.

Di beşeke din ên axaftina xwe de aşkera kir, ku di bernameya wan de heye û dixwazin dema pêş ji aliyê ewlehî û rêxistinî de alîkariya herêma Kurdistanê jî bikin.

Girêdayî karê heman tîmê li Iraqê, şêwirmendê Encûmena Asayîşa Herêma Kurdistanê Mesrûr Barzanî jî amaje bi rewşa asayîşê li herêma Kurdistanê kir û ragehand: “Asayîş heta astekê pir başe û li gor cîhên din ên Iraqê cuda ye.”

Barzanî amadebûna herêma Kurdistanê bo her alîkariyekê û danûstandineke bi armanca sûd lê wergirtina ji alîkariyên teknîk nîşan da û şîretên tîma navborî giring nirxand û got: “Li herêma Kurdistanê bo çawaniya rûbirûbûna gefên ewlehiyê em dixwazin sûd ji ezmûnên we werbigrin. Bi taybet karê me yê serekî parastina jiyana hemwelatiyên sivîl e.”




Nûçeyên din

Fraksyona PDKê ji bo bûyerên 16ê Cotmehê daxwaza komîteya lêkolînê kir

WEDNESDAY, 25 APRIL 2018 17:04:17

Hewlêr-KDP.info- Fraksyona Partiya Demokrata Kurdistanê (PDK) li Parlamentoya Kurdistanê daxwaza pêkanîna komîteyeke lêkolînê derbarê bûyerên 16ê Cotmeha 2017 ên li Kerkûk û deverên Kurdistanî yên din de dike.

 
Nêçîrvan Barzanî û şanda Amerîka: Divê hevahengiya me berdewam be

TUESDAY, 24 APRIL 2018 20:04:18

Hewlêr-KDP.info- Serokwezîrê Herêma Kurdistanê Nêçîrvan Barzanî û şandeke leşkerî û dîplomatîk ji Amerîka civiyan û herdû aliyan tekez kirin ku pêwîst e hevahengiya di navbera wan de berdewam be.

 
Amerîka: Em piştevaniyê li Kurdistaneke bihêz û yekgirtî dikin

TUESDAY, 24 APRIL 2018 18:04:58

Hewlêr-KDP.info- Şêwirmendê Encûmena Asayişa Navdewletî Mesrûr Barzanî pêşwazî li general Paul E. Funk û şanda dîplomasî û leşkerî ya Amerîkî kir û di wê hevdîtinê de şanda mêvan tekez kir ku welatê wan piştevaniyê li Kurdistaneke bihêz û yekgirtî dike.

 

 
Referandumçî kî ye?

MONDAY, 23 APRIL 2018 23:04:01

Zikrî Mûsa

Dibêjin ew kesên kar ji referandumê re kirine (referandumçî) ne û divê bên dadgehkirin, lê referandûmçî ew kes in ku natirsin. Ew kes in ku gotinên heq û rast dibêjin. Pilanên dagîrkeran şikandine. Li deştên Zûmar û Rebîhe û Şingal û li Kerkûkê terorîstên DAIŞê şikandine. Referandumçî xwedî dastanên Pirdê û Sihêla ne. Referandumçî rih e, rihê şehîd Husên Mensûr û Mexdîd Herkî û Kake Eta ye, ku canfîda bûn û koylayetî qebûl nedikirin.

Referanduma Başûr, şerm e yan şanazî ye?

MONDAY, 23 APRIL 2018 22:04:00

 

Herman Bokanî

Piştî raperîna mezin a sala 1991ê li Başûrê Kurdistanê li dijî rêjîma Iraqê, referandum tekane pêngava şoreşgêrî û niştimanperwerî ye ku hemû niştimanperwerên Kurd li herçar perçeyên Kurdistanê şanaziyê pê bikin. Ew referanduma ku niştimanperwer şanaziyê pê dikin û niştimanfiroş jî li pêşiya axayên xwe yên dagîrker de xwêdana şermiyê ji wan tê.



 
© 2018 Kurdistan Democratic Party, KDP