Kurdî  ■  كوردی  ■  عربي
SAT, 23 MAR 2019 14:29 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî bo şanda HDPê: Pirsgirêkên xwe ligel Tirkiyê bi aştiyane çareser bikin
| KDP.info


 

Hewlêr-KDP.info- Berpirsê Ofîsa Pêwendiyên Niştimanî ya PDKê Elî Husên derbarê hatina şanda HDPê bo Başûrê Kurdistanê ragihand ku Serok Mesûd Barzanî ji wê şandê re got ku pirsgirêkên xwe ligel Tirkiyê bi riyên aştî û demokrasiyê çareser bikin.

Duhî şanda HDPê ligel Serok Barzanî civiya û piştre jî ligel Serokwezîrê Herêma Kurdistanê civiya.

Derbarê wan civînan û hatina şanda HDPê, Elî Husên ji malpera KDP.info re ragihand: “2 ,mebest ji serdana şanda HDPê bo Başûrê Kurdistanê hene, ku ew jî ya yekê, ji ber ku kongreya xwe nû lidar xistibûn û dixwestin nêrîn û helwesta xwe bighînin partiyên Başûrê Kurdistanê, ya dûyem jî, hatibûn pirse û taziya Dilovan Îdrîs Barzanî.”

Husên wiha got: “Di civîna xwe de ligel me de behsa rewşa Bakurê Kurdistanê û pêwendiyên xwe ligel hikûmet û partiyên Tirkiyê kirin û amaje bi bernameya xwe ji bo paşerojê kirin û herwiha daxwaza hevahengiyê ligel me kirin ji bo ku em hevkar bin ji wan re, me jî ew han dan ku bi riyên aştî û demokrasî û jihevtêgiheştinê daxwazên xwe bikin û kar bikin.”

Wî berpirsê PDKê wiha domand: “Herwiha di civînê de behsa wê yekê hat kirin ku her perçeyeke Kurdistanê xwedî taybetmendiyeke taybet e û pêwîst e ew yek bê liberçavgirtin û her xebatek bi rêya gotûbêj û diyalogê be. Herwiha şanda HDPê jî em han dan ku em li Başûrê Kurdistanê di nav xwe de yekrêz û yekgirtî bin bo hilbijartinên Iraqê.”

Derbarê civîna şanda HDPê û Serok Barzanî, Elî Husên ragihand: “Serok Barzanî got ku, berê derfeteke baş hebû ji bo ku li Tirkiyê bi aştî hinek pirsgirêk çareser bibana, niha jî şanda HDPê han dan ku pirsgirêkên xwe ligel Hikûmeta Tirkiyê bi riyên aştî û demokrasî çareser bikin û hemû aliyên Bakurê Kurdistanê yekgirtî bin û sûdê ji hin cihên cîhanê werbigrin.”

 




Nûçeyên din

Serok Barzanî li ser bûyera li Mûsilê peyama sersaxiyê belav kir

FRIDAY, 22 MARCH 2019 12:03:21
Hewlêr-KDP.info- Serok Mesûd Barzanî bi peyamekê, sersaxî ji malbatên qurbaniyên bûyera li Mûsilê re xwest, ku li Mûsilê keştiyek li ser çemê Dîcleyê qûlipî û zêdetirî 70 kesan jiyana xwe ji dest dan.
 
Serok Barzanî: Newroza we pîroz û bi xêr û xweşî be

WEDNESDAY, 20 MARCH 2019 17:03:02

Hewlêr-KDP.info- Serok Mesûd Barzanî bi helkefta Cejna Newrozê peyamek belav kir û tê de ragihan ku niha qonaxekî din di jiyana gelê Kurdistanê de heye û pêwîstiyên vê qonaxê wiha dixwazin ku ber bi binyatnana Kurdistaneke bihêz û geş ve gav bavêjin. Serok Mesûd Barzanî di peyama xwe de dibêje: "Newroz ji bo gelê Kurdistanê herdem mizgîniya destpêkekî nû û hêviyeke nû û serkeftin li ser sîtemkaran û dijwariyan de bûye."

 
Serok Barzanî: Pêwîst e madeya 140 bi jihevfêmkirin û awayekî aştiyane were cîbicîkirin

WEDNESDAY, 20 MARCH 2019 10:03:59

Hewlêr-KDP.info- Serok Barzanî bi mebesta gotûbêjkirina li ser kêşe û arîşeyên devera Zumarê ligel hijmareke zêde ji rîspî û nûnerên pêkhateyên civakî û şêniyên devera Zumarê civiya û got, pêwîst e madeya 140 bi lihevgehêştin û jihevfêmkirin û awayekî aştiyane were cîhbicîhkirin û her hewlek bo sepandina tiştek ku beruvajiya rastiya cografî, dîrok û rewşa civakî ya deverê be dibe sedema kûrtir kirina aloziyan û nayê qebûlkirin.

 
Mesrûr Barzanî û wezîrê Brîtanya behsa rewşa deverê kirin

WEDNESDAY, 20 MARCH 2019 10:03:43

Hewlêr-KDP.info- Wezîrê Dewletê yê Hikûmeta Brîtanya yê bo karûbarên Rojhilata Navîn û Bakûrê Efrîqayê Alistair Burt telefûna Şêwirmendê Encûmena Asayişa Herêma Kurdistanê Mesrûr Barzanî kir û di wê telefonê de herdû aliyan behsa rewşa deverê kirin.

 
Nêçîrvan Barzanî spasiya Amerîka kir

WEDNESDAY, 20 MARCH 2019 10:03:15

Hewlêr-KDP.info- Nêçîrvan Barzanî Serokwezîrê Herêma Kurdistanê, îro Sêşema 19.03.2019ê li bajarê Hewlêrê, pêşwaz li şandeke pilebilind ji Kongirêsa Amerîkayê bi serokatiya kongrêsman Jon Garmandi kir.

 


 
© 2018 Kurdistan Democratic Party, KDP