Kurdî  ■  كوردی  ■  عربي
TUE, 26 MAR 2019 06:12 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Nêçîrvan Barzanî: Dê sîstema kêmkirina mûçeyan namîne
| KDP.info


Hewlêr-KDP.info- Serokwezîrê Herêma Kurdistanê Nêçîrvan Barzanî ragihand, di demek nêzîk de êdî sîstema kêmkirina mûçeyê karmendan namîne û mûçe dê bi temamî were dayîn.

Di konfranseke çapemeniyê de, îro Çarşema 28ê Adara 2018ê, Serokwezîrê Herêma Kurdistanê, Nêçîrvan Barzanî li ser guhertinên di sîstema mûçeyên fermanberan de û herwiha çend mijarên rojevê kongreyeke rojnamevanî lidar xist.

Nêçîrvan Barzanî ragihand, di civînê de biryarên girîng dane û got, ez dikarim bêjim di demek nêzîk de êdî sîstema kêmkirina mûçe namîne û dê mûçeyê karmendan bi temamî were dayîn.

Serokwezîr Barzanî her wiha got, ew mûçeyê ku ji 400 hezar dînarî kêmtir bin dê wek xwe bê dayîn û nayê kêmkirin. Zelal jî kir, ev yek rewşê bidawî nayne, lê ev pêngaveke giring e û piştî pesendkirina yasaya çaksaziyê ji aliyê Perleman ve, em dikarin bêjin ku ev rewş wê bi temamî bidawî bê.

Nêçîrva Barzanî da xuyakirin, ku wan derbarê mûçeyên fermanberan de biryarên baş û giring di berjewendiya fermanberan de daye û diyar kir, ew ji rakirina yekcarî ya sîstema paşekewta mûçeyan nêzîk bûne.

Serokwezîr Barzanî derbarê geşedanên têkildarî hebûna PKKê li nav axa Iraqê û daxuyaniyên rayedarên Tirkiyê yên derbarê pêkanîna operasyonên serbazî de jî got: “Em bi ti awayî qebûl nakin ku ti hêzek ji axa Herêma Kurdistanê ve êrişî welatên cîran, çi Tirkiye be, çi Îran be yan jî Sûriye, bike.”

Serokwezîrê Herêma Kurdistanê tekez kir: “Bi ti awayî lojîkî nîne, ku hêzek ji nav axa Herêma Kurdistanê biçe û li Tirkiyê êrişan bike û careke din vegere Herêma Kurdistanê, ev yek nayê qebûlkirin.”

Derbarê derketina aloziyên li Herêma Kurdistanê û helwesta Hikûmeta Herêma Kurdistanê li ser wan aloziyan jî, Nêçîrvan Barzanî ragihand: “Her karek ku ji bo parastina welatê me ji tundî û aloziyan pêwîst be, emê bikin.”

 




Nûçeyên din

Berdevkê PDKê: Emê hikûmeteke bihêz ji bo xizmeta Kurdistanê ava bikin

SUNDAY, 24 MARCH 2019 20:03:11

Hewlêr-KDP.info- Berdevkê PDKê û Endamê Polîtbûroya PDKê Mehmûd Mihemed di civînekê de ligel şandeke Amerîka ragihand ku ewê hikûmeteke bihêz ji bo xizmeta xelkê Kurdistanê û Herêma Kurdistanê ava bikin.

 
Balafirên Tirkiyê li devera Bradost dan

SUNDAY, 24 MARCH 2019 18:03:50

Sîdekan-KDP.info- Îro danê sibehê careke din balafirên Tirkiyê li devera Bradost a ser bi bajerokê Sîdekanê dan û muxtarekî navçeyê jî dibêje, di encama bombebarana balafirên Tirkiyê de ziyaneke madî mezin gihştiye navçeyê.

 
PDK û YNK: Me gavên baş ji bo avakirina hikûmetê avêtin

SUNDAY, 24 MARCH 2019 17:03:21

Hewlêr-KDP.info- Îro şanda Partiya Demokrat a Kurdistanê (PDK) û Yekîtiya Niştimanî ya Kurdistanê (YNK) li Pîrmamê ya ser bi Hewlêrê ve civiyan û pêkanîna kabîneya nû ya Hikûmeta Herêma Kurdistanê guftûgo kir.

 
Di ava Mûsilê de 100 kes mirin û 103 jî winda ne..Beşek ji wan Kurd in

SATURDAY, 23 MARCH 2019 17:03:24

Mûsil-KDP.info- Roja 21ê Adarî belemeke geştiyarî di ava çemê Dîcle de binav bû û li gorî amarên dawî, heta niha termê 100 kesî hatiye dîtin û 103 kes jî di nava avê de winda ne û hêj termê wan nehatiye dîtin.

Ji ber PKK balafirên Tirkiyê li gundekî Xristiyanan dan

SATURDAY, 23 MARCH 2019 16:03:14

Zaxo-KDP.info- Careke din balafirên şer ên Tirkiyê li devera Zaxo dan. Rêvebirê Nahyeya Derkarê ya ser bi Zaxo ve jî dibêje, balafiran gelek ziyan gihandin wî gundê ku lê dane.



 
© 2018 Kurdistan Democratic Party, KDP