Kurdî  ■  كوردی  ■  عربي
FRI, 22 MAR 2019 22:10 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Mîranî bo HAK-PAR: Em li her derî piştevan in ji birayên xwe yên Kurd re
| KDP.info


Hewlêr-KDP.info- Sekreterê Polîtburoya PDKê Fazil Mîranî pêşwazî li şandeke Partiya HAK-PAR a Bakurê Kurdistanê kir û di wê hevdîtinê de ragihand ku welatên mezin li gorî berjewendiyên xwe li daxwazên Kurdan dinerin.

Îro li avahiya Polîtburoya PDKê Fazil Mîranî pêşwazî li şandeke Partiya Maf û Azadiyan HAK-PAR kir ku bi serokatiya Cîgirê Serokê HAK-PAR Ceifer Stêr û berpirsên wê partiyê Arif Sevînc û Fazil Taşkan û Zana Sezen, bû.

Di wê hevdîtinê de, jibilî bixêrhatina şanda mêvan, Mîranî kêfxweşiya xwe nîşan da bi wê hevdîtinê û pesnê rola HAK-PAR da di pirsên neteweyî de, Mîranî pêwendiyên di navbera PDK û HAK-PAR de bi girîng û bihêz da zanîn.

Di wê hevdîtinê de behsa pirsên girîng ên navçeyê û Iraqê bi giştî û Herêma Kurdistanê bi taybet, hatin kirin û herdû alî li ser pêşhatên dawî yên siyasî û ewlehî sekinîn.

Fazil Mîranî tekez kir ku miletê Kurd tevî wan hemû êş û azarên ku bi dirêjahiya dîrokê dîtiye, lê berdewam helgirî peyama aştî û azadiyê bû ji bo gehîştin bi mafên rewa ên xwe bi rêya diyalog û dostayetî û pêkvejiyanê.

Sekreterê Polîtburoya PDKê wiha got: “Em piştevaniyê li birayên xwe yên Kurd dikin li her derekê bin û em alîkariya wan dikin ji bo xebata demokrasî û medenî di nava parlamentoyê de û bi rêya aştiyê. Em miletek in ku dîrok û cografya xedreke mezin li me kirine û welatên mezin jî li gorî berjewendiya xwe li daxwazên me dinerin. Niha navçe di qonaxeke pir hestiyar re derbas dibe û divê em bi eqlaniyet û bi lojîk kar bikin.”

Şanda HAK-PAR spasiya Polîtburoya PDKê kir li ser wê pêşwaziyê û piştevaniya partiya xwe bi awayekî berdewam ji bo Başûrê Kurdistanê nîşan dan. Herwiha ragihand ku gelê Kurd wek hemû gelên cîhanê têkoşînê dike ji bo bidestxistina mafên xwe yên rewa bi rêyên demokratîk û bi xebata medenî û demokrasî.




Nûçeyên din

Serok Barzanî li ser bûyera li Mûsilê peyama sersaxiyê belav kir

FRIDAY, 22 MARCH 2019 12:03:21
Hewlêr-KDP.info- Serok Mesûd Barzanî bi peyamekê, sersaxî ji malbatên qurbaniyên bûyera li Mûsilê re xwest, ku li Mûsilê keştiyek li ser çemê Dîcleyê qûlipî û zêdetirî 70 kesan jiyana xwe ji dest dan.
 
Serok Barzanî: Newroza we pîroz û bi xêr û xweşî be

WEDNESDAY, 20 MARCH 2019 17:03:02

Hewlêr-KDP.info- Serok Mesûd Barzanî bi helkefta Cejna Newrozê peyamek belav kir û tê de ragihan ku niha qonaxekî din di jiyana gelê Kurdistanê de heye û pêwîstiyên vê qonaxê wiha dixwazin ku ber bi binyatnana Kurdistaneke bihêz û geş ve gav bavêjin. Serok Mesûd Barzanî di peyama xwe de dibêje: "Newroz ji bo gelê Kurdistanê herdem mizgîniya destpêkekî nû û hêviyeke nû û serkeftin li ser sîtemkaran û dijwariyan de bûye."

 
Serok Barzanî: Pêwîst e madeya 140 bi jihevfêmkirin û awayekî aştiyane were cîbicîkirin

WEDNESDAY, 20 MARCH 2019 10:03:59

Hewlêr-KDP.info- Serok Barzanî bi mebesta gotûbêjkirina li ser kêşe û arîşeyên devera Zumarê ligel hijmareke zêde ji rîspî û nûnerên pêkhateyên civakî û şêniyên devera Zumarê civiya û got, pêwîst e madeya 140 bi lihevgehêştin û jihevfêmkirin û awayekî aştiyane were cîhbicîhkirin û her hewlek bo sepandina tiştek ku beruvajiya rastiya cografî, dîrok û rewşa civakî ya deverê be dibe sedema kûrtir kirina aloziyan û nayê qebûlkirin.

 
Mesrûr Barzanî û wezîrê Brîtanya behsa rewşa deverê kirin

WEDNESDAY, 20 MARCH 2019 10:03:43

Hewlêr-KDP.info- Wezîrê Dewletê yê Hikûmeta Brîtanya yê bo karûbarên Rojhilata Navîn û Bakûrê Efrîqayê Alistair Burt telefûna Şêwirmendê Encûmena Asayişa Herêma Kurdistanê Mesrûr Barzanî kir û di wê telefonê de herdû aliyan behsa rewşa deverê kirin.

 
Nêçîrvan Barzanî spasiya Amerîka kir

WEDNESDAY, 20 MARCH 2019 10:03:15

Hewlêr-KDP.info- Nêçîrvan Barzanî Serokwezîrê Herêma Kurdistanê, îro Sêşema 19.03.2019ê li bajarê Hewlêrê, pêşwaz li şandeke pilebilind ji Kongirêsa Amerîkayê bi serokatiya kongrêsman Jon Garmandi kir.

 


 
© 2018 Kurdistan Democratic Party, KDP