Kurdî  ■  كوردی  ■  عربي
TUE, 19 JUN 2018 19:09 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Di hilbijartinên Iraqê de, hevpeymaniya Kurdan dê destkefteke mezin be
| KDP.info


Hewlêr-KDP.info- Berpirsê Dezgeha Giştî ya Hilbijartinan a PDKê Xesro Goran ragihand ku ji bo hilbijartinên Iraqê eger Kurd bi yekîtî û bi yek kom neçin Bexdayê dê ziyaneke mezin bibînin.

Xesro Goran ji malpera KDP.info re ragihand: “Di civîna PDKê ligel YNKê de qet behsa wê yekê nehatiye kirin ku em û YNKê di hilbijartinên Kurdistanê de bi hev re dakevin hilbijartinan, lê ji bo hilbijartinên Iraqê behsa wê yekê tê kirin.”

Goran wiha got: “Bi baweriya min dê hilbijartinên Iraqê di dema xwe de birêve biçin. Sunne daxwaza paşxistina hilbijartinan dikin ji ber ku gelek xelkê wan koçber in, lê ev pirsgirêk tê çareserkirin û ew koçber dikarin li cihê ku lê ne dengê xwe bidin.”

Berpirsê Dezgeha Giştî ya Hilbijartinan a PDKê tekez kir ku hefteya bê dê Komîsyona Hilbijartinan a Kurdistanê û Parlamentoya Kurdistanê bicivin û dema hilbijartinên Kurdistan diyar bikin.

Li gorî Xesro Goran, avakirina hevpeymaniyekê di navbera hemû hêzên siyasî yên Kurdistanê di hilbijartinên Iraqê de destkefteke mezin e, ku hemû alî bi yek komê biçin Bexdayê û dê bi vê riyê xizmeteke mezin bighînin doza gelê Kurd û eger ew yek jî pêk neyê Kurd dê ziyaneke mezin bibînin.

Goran ragihand ku PDKê dixwaze hilbijartin di dema xwe de bên kirin û ew ji hilbijartinan re amade ne.

 




Nûçeyên din

Pêşmerge dê li dijî DAIŞê li Mexmûrê operasyonê bike

TUESDAY, 19 JUNE 2018 16:06:52

Mexmûr-KDP.info- Ev çend roj in ku terorîstên DAIŞê li sînorê Mexmûrê tevgera wan zêde bûye û wek berpirsekî jî dibêje, eger nêta DAIŞê hebe dikare pêş bikeve û bajaran jî dagîr bike, lê Pêşmerge amadekariyan dike ji bo jinavbirina wan terorîstan. Fermandarekî Pêşmerge li Mexmûrê jî eşkere dike ku ewê operasyonekê li dijî DAIŞê li derdora Mexmûrê encam bidin.

 
Kurd di nivîsandina destûrê Sûriyê de beşdar bibin

TUESDAY, 19 JUNE 2018 16:06:41

Dihok-KDP.info- Biryar e 8 kesayetiyên Kurd di civînên Cinêfê de beşdar bibin, ku ew civîn taybet dibin bi nivîsandina destûrê Sûriyê.

 
Heşda Şeibî gefê li Kurdên Şebek dike

TUESDAY, 19 JUNE 2018 14:06:20

Deşta Neynewa-KDP.info- Nûnerê Kurdên Şebek di Parlamentoya Iraqê de Salim Şebek dibêje, Heşda Şeibî berdewam e li ser gefên xwe yên li dijî Kurdên Şebek.

 
"Li Efrînê xelk êş û azareke mezin dibînin”

MONDAY, 18 JUNE 2018 16:06:39

Efrîn-KDP.info- Çavdêreke siyasî ji Rojavayê Kurdistanê dibêje, girûpên tundrew ên opozisyona Sûriyê li Efrînê xelkê bi tundtirîn şêwe azar didin. Rêxistina Human Rights Watch jî eşkere dike ku ew çekdar jibilî ku xelkê azar dikin, cih û warên wan jî wêran dikin ji bo ku Kurd venegerin ser mal û halê xwe.

DAIŞ li Xaniqîn serokê eşîreke Kurdî û hevjîna wî teror kirin

MONDAY, 18 JUNE 2018 16:06:00

Xaneqîn-KDP.info- Terorîstên DAIŞê li sînorê Xaneqîn serokê eşîreke Kurdî bi navê Serokê Eşîra Hemend û malbata wî teror kirin.



 
© 2018 Kurdistan Democratic Party, KDP