Kurdî  ■  كوردی  ■  عربي
MON, 24 SEP 2018 17:10 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

PDK: Heşda Şeibî heman siyaseta DAIŞê birêve dibe
| KDP.info


Hewlêr-KDP.info- Berpirsê Ofîsa Pêwendiyên Derve yên PDKê Hoşyar Sîweylî ragihand ku DAIŞ û Heşda Şeibî mezintirîn binpêkirin li hemberî mafên mirovan kirine, ku Heşda Şeibî heman siyaseta DAIŞê birêve dibe.

Hoşyar Sîweylî pêşwazî li Berpisa Rêxistina Mafê Mirovan a Almanya Xanim Sîlvya Vêlîng kir. Wê şandê ji bo naskirina rewşa mafê mirovan û qurbaniyên şerê DAIŞê û Heşda Şeibî, serdana Herêma Kurdistanê kiriye.

Sîweylî spasiya wê şandê kir li ser karê wan û herwiha spasiya piştgiriya berdewam a Almanya bo Herêma Kurdistanê kir û ragihand: “Em hêvîdar in Almanya û welatên Hevpeymaniya Navdewletî ku çawa di şerê DAIŞê de alîkariya Pêşmerge kirin, wiha li hemberî binpêkirinên Hikûmeta Iraqê û çekdarên Heşda Şeibî jî bêdeng nemînin, ku ew çekdar êrîşên serbazî dikin ser Kurdistanê û destûrê Iraqê jî binpê dikin û herwiha hewla têkdana asayiş û aramiya xelkê Kurdistanê dikin, ku li gund û navçeyên Kurdan jî dest bi proseya bi erebkirinê kirine û xelkê wan navçeyan ji malê wan derdixin. DAIŞ û Heşda Şeibî mezintirîn binpêkirin li hemberî mafê mirovan kirine.”

Wî berpirsê PDKê behsa binpêkirinên li dijî Êzdiyan û Xristiyanan û pêkhateyên din kir, ku piştî dagîrkirina Heşda Şeibî li navçeyên Kurdistanî û nexasim jî li Xurmatû kirine, mîna wêrankirin û şewitandin û destdanîna ser mal û milkê Kurdan û koçberkirina bi hezaran welatî, ku Heşda Şeibî heman siyaseta DAIŞê birêve dibe.

Ji aliyê xwe ve, Xanim Sîlvya hewlên Hikûmeta Kurdistanê ji bo parastina keramet û ol û azadiya mirovan di nava pêkhateyên Kurdistanê de bilind nirxand û got ku tevî şer û kirîzan lê Kurdistanê tevî wan hemû kirîzên siyasî û aborî pêşwazî li nêzîkî 2 milyon koçber kir û jîngeheke aram ji xelkê re pêşkêş kir. Herwiha da zanîn ku Kurdistan mînakeke pêşkeftî ye tevî ku Rojhilata Navîn di nava şer û tundiyê de ye.


 




Nûçeyên din

Serok Barzanî: Ez piştgiriyê li Fuad Husên dikin

MONDAY, 24 SEPTEMBER 2018 15:09:31

Hewlêr-KDP.info- Serok Mesûd Barzanî peyamek bo piştevaniya li Dr. Fuad Husên bo bidestxistina kursiyê serokomariya Iraqê belav kir û tê de ragihand: “Ji ber şiyan û jêhatîbûna wî min bi baş dît ku birêz Dr. Fuad Husên bo vî kursî berbijêr bikim.” Serok Barzanî herwiha dibêje: “Em bi hemû şiyanekê piştevanî li Dr. Fuad Husên dikin.”

Serok Barzanî: Me dest ji armancên xwe bernedaye..Emê guhertin û çaksaziyeke mezin bikin

SUNDAY, 23 SEPTEMBER 2018 17:09:19

Silêmanî-KDP.info- Serok Mesûd Barzanî ragihand, ku eger di hilbijartinên Parlamentoya Kurdistanê de PDK biserkeft dê guhertin û çaksaziyeke mezin bike.

 
PDK: Kursiyê serokomarê Iraqê vê carê yê me ye

SUNDAY, 23 SEPTEMBER 2018 16:09:29

Hewlêr-KDP.info- Polîtburoya Partiya Demokrat a Kurdistanê (PDK) di daxuyaniyekê de derbarê kursiyê Serokomartiya Iraqê de, bersiva Yekîtiya Niştimanî ya Kurdistanê dide û radigihîne, “Me di civînên li gel biraderên YNKê de, her dem tekez kiribû, ku ew post beş û destkefta gelê Kurdistanê ye û ti carî li ser partiyekê nehatiye tapokirin.”

 
PDK: Kursiyê serokomarê Iraqê vê carê yê me ye

SUNDAY, 23 SEPTEMBER 2018 15:09:01

Hewlêr-KDP.info- Polîtburoya Partiya Demokrat a Kurdistanê (PDK) di daxuyaniyekê de derbarê kursiyê Serokomartiya Iraqê de, bersiva Yekîtiya Niştimanî ya Kurdistanê dide û radigihîne, “Me di civînên li gel biraderên YNKê de, her dem tekez kiribû, ku ew post beş û destkefta gelê Kurdistanê ye û ti carî li ser partiyekê nehatiye tapokirin.”

 
Nêçîrvan Barzanî û Mike Pompeo proseya siyasî ya Iraqê gotûbêj kirin

SUNDAY, 23 SEPTEMBER 2018 13:09:46

Hewlêr-KDP.info- Serokwezîrê Herêma Kurdistanê Nêçîrvan Barzanî û Wezîrê Derve yê Amerîkayê Mike Pompeo li Bexdayê peywendiyeke telefonî encam dan û proseya siyasî ya Iraqê gotûbêj kirin.

 


 
© 2018 Kurdistan Democratic Party, KDP