Kurdî  ■  كوردی  ■  عربي
MON, 24 SEP 2018 17:12 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Almanya: Em piştgiriyê li hikûmeteke bihêz li Kurdistanê dikin
| KDP.info


Hewlêr-KDP.info- Balyozê Almanya yê li Iraqê Cyrill Nunn di hevdtina li gel Serokwezîrê Herêma Kurdistanê Nêçîrvan Barzanî de tekezî li ser pêwîstiya hebûna diyalogeke ciddî di navbera Hewlêr û Bexdayê de, ku di çarçoveya Destûra Iraqê de be, kir û ragihand, Berlîn “piştgiriya hikûmeteke bihêz li Herêma Kurdistanê dike.”

Serokwezîrê Herêma Kurdistanê Nêçîrvan Barzanî û Balyozê Almanya yê li Iraqê Cyrill Nunn îro li Hewlêrê civiyan û derbarê pêşhayên herî dawî yên navçeyê û kêmbûna aloziyên navbera hêzên Pêşmerge û hêzên Iraqê de gotûbêj kirin.

Di vê civînê de Nêçîrvan Barzanî û Cyrill Nunn derbarê pêşhatên herêmî û kêmbûna aloziyên navbera Pêşmerge û hêzên Iraqê de gotûbêj kirin.

Cyrill Nunn tekezî li ser pêwîstiya hebûna diyalogeke ciddî di navbera Hewlêr û Bexdayê de, ku di çarçoveya Destûra Iraqê de be, kir û “piştgiriya xwe bo hikûmeteke bihêz li Herêma Kurdistanê nîşan da.”

Herwiha di hevdîtinê de Balyozê Almanya yê li Iraqê spasiya xelk û hikûmeta Herêma Kurdistanê kir, ku ew barê giran ên li ser milê xwe tehemûl kirine, bi taybet piştî hatina hejmareke gellek mezin a koçber û penaberên destê terorê bo Herêma Kurdistan.

Cyrill Nunn herwiha tekez kir: “Almanya bi rêya rêxistinên nehikûmetî û bi hevrêziya li gel sazî û dezgehên Hikûmeta Herêma Kurdistanê, li ser alîkarîkirina koçber û penaberan de berdewam dibe.”

Serokwezîrê Herêma Kurdistanê Nêçîrvan Barzanî jî di vê civînê de derbarê pêwendiyên navbera Hewlêr û Bexdayê de axivî û hêvî kir, Almanya rola xwe bo destpêkirina gotûbêjên navbera Hewlêr û Bexdayê û çareserkirina pirsgirêkan bilîze.

Nêçîrvan Barzanî herwiha ragihand, “pêwîst e Bexda li gorî Destûrê serederiyê li gel Herêma Kurdistanê bike.”

Serokwezîr Barzanî tekez jî kir, ku divê sedemên çêbûna DAIŞê ji aliyê hikûmeta federal a Iraqê ve werin çareserkirin, daku careke din tundûtîjî dernekeve.

Serokwezîrê Herêma Kurdistanê û Balyozê Almanya yê li Iraqê herwiha li ser rewşa navçeyê bi giştî û çend mijarên din ên têkildarî rewşa Herêma Kurdistanê jî axivîn.




Nûçeyên din

Serok Barzanî: Ez piştgiriyê li Fuad Husên dikin

MONDAY, 24 SEPTEMBER 2018 15:09:31

Hewlêr-KDP.info- Serok Mesûd Barzanî peyamek bo piştevaniya li Dr. Fuad Husên bo bidestxistina kursiyê serokomariya Iraqê belav kir û tê de ragihand: “Ji ber şiyan û jêhatîbûna wî min bi baş dît ku birêz Dr. Fuad Husên bo vî kursî berbijêr bikim.” Serok Barzanî herwiha dibêje: “Em bi hemû şiyanekê piştevanî li Dr. Fuad Husên dikin.”

Serok Barzanî: Me dest ji armancên xwe bernedaye..Emê guhertin û çaksaziyeke mezin bikin

SUNDAY, 23 SEPTEMBER 2018 17:09:19

Silêmanî-KDP.info- Serok Mesûd Barzanî ragihand, ku eger di hilbijartinên Parlamentoya Kurdistanê de PDK biserkeft dê guhertin û çaksaziyeke mezin bike.

 
PDK: Kursiyê serokomarê Iraqê vê carê yê me ye

SUNDAY, 23 SEPTEMBER 2018 16:09:29

Hewlêr-KDP.info- Polîtburoya Partiya Demokrat a Kurdistanê (PDK) di daxuyaniyekê de derbarê kursiyê Serokomartiya Iraqê de, bersiva Yekîtiya Niştimanî ya Kurdistanê dide û radigihîne, “Me di civînên li gel biraderên YNKê de, her dem tekez kiribû, ku ew post beş û destkefta gelê Kurdistanê ye û ti carî li ser partiyekê nehatiye tapokirin.”

 
PDK: Kursiyê serokomarê Iraqê vê carê yê me ye

SUNDAY, 23 SEPTEMBER 2018 15:09:01

Hewlêr-KDP.info- Polîtburoya Partiya Demokrat a Kurdistanê (PDK) di daxuyaniyekê de derbarê kursiyê Serokomartiya Iraqê de, bersiva Yekîtiya Niştimanî ya Kurdistanê dide û radigihîne, “Me di civînên li gel biraderên YNKê de, her dem tekez kiribû, ku ew post beş û destkefta gelê Kurdistanê ye û ti carî li ser partiyekê nehatiye tapokirin.”

 
Nêçîrvan Barzanî û Mike Pompeo proseya siyasî ya Iraqê gotûbêj kirin

SUNDAY, 23 SEPTEMBER 2018 13:09:46

Hewlêr-KDP.info- Serokwezîrê Herêma Kurdistanê Nêçîrvan Barzanî û Wezîrê Derve yê Amerîkayê Mike Pompeo li Bexdayê peywendiyeke telefonî encam dan û proseya siyasî ya Iraqê gotûbêj kirin.

 


 
© 2018 Kurdistan Democratic Party, KDP