Kurdî  ■  كوردی  ■  عربي
TUE, 16 JAN 2018 23:55 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Milîsên Heşda Şeibî ji bo rizgarkirina Quds xwe amade dikin
| KDP.info


Hewlêr-KDP.info- Çend hêzên di nava Heşda Şeibî de ji bo rizgarkirina Quds ji destê Îsraîl xwe amade dikin û ji bo wê yekê jî dest bi nivîsandina navê ciwanan kirine. Li gorî pisporekî siyasî jî ew kar wek destpêka bidawîhatina Heşda Şeibî ye.

Duhî televîzyona Ehed a ser bi Qeyis Xezelî Fermandarê Girûpa Esayib Ehil Elheq dîmenê Xezelî bi cilên serbazî li ser sînorê Îsraîl li başûrê Libnanê belav kir. Li gorî wê vîdeoyê çekdarên Heşda Şeibî li derdora Xezelî ne û yek ji wan sînor şirove dike.

Xezelî di wê vîdeoyê de dibêje, “Niha ez ligel birayên xwe yên Hizbulaha Libnanê me. Ez li deriyê Fatîme me, ku dikeve ser sînorê başûrê Libnanê û Filestîna dagîrker. Em li dijî dagîrkariya Îsraîl in.”

Derbarê wê yekê de, Pisporê Siyasî Dr. Mehmûd Bazyanî ji malbera KDP.info re ragihand: “Ew kar û helwestên Heşda Şeibî dibin belge û hincet li dijî wam milîsan. Heşda Şeibî li dijî DAIŞê hatiye damezrandin. Niha ku şerê DAIŞê bidawî hat, divê Heşda Şeibî nemîne. Ew karê çend hêzên Heşda Şeibî wek destpêka bidawîhatina Heşda Şeibî ye.”




Nûçeyên din

Nêçîrvan Barzanî pêşniyara mekanîzmeke hevbeş li Amerîkayê kir

TUESDAY, 16 JANUARY 2018 16:01:47

Hewlêr-KDP.info- Serokwezîrê Herêma Kurdistanê Nêçîrvan Barzanî ligel Wezîrê Derve yê Amerîka Rex Tillerson axivî û ragihand, ku niha metirsiya derketina tundiyê heye û bi pêwîst zanî, ku di navbera Herêma Kurdistanê, Iraq û Amerîkayê de ji bo rûbirûbûna tundxwaziyê mekanîzmayek hebe ku li ser vê yekê karê hevbeş bê kirin.

 

PDKê hilbijartin li Kerkûkê baykot kir: Rewatiyê nedin dagîrker

MONDAY, 15 JANUARY 2018 20:01:34

Hewlêr-KDP.info- Encumena Serkirdatiya Partiya Demorkata Kurdistanê (PDK) li Kerkûkê biryar da ku li wê parêzgehê û li navçeyên Kurdistanî beşdarî di hilbijartinên Iraqê de neke û biryara baykotkirina hilbijartinan da.

 
Rewşa Kerkûkê pir xerab e û proseya bi şîekirin û bi erebkirinê berdewam e

MONDAY, 15 JANUARY 2018 19:01:57

Hewlêr-KDP.info- Berdevkê Encumena Serkirdatiya PDKê li Kerkûkê Ednan Kerkûkî ragihand ku rewşa Kerkûkê pir xerab e û roj bi roj xerabtir jî dibe, proseya bi şîekirin û bi erebkirinê jî berdewam e û herwiha êrîş dikin ser malên Kurdan, ku kêm maye rewşa Kerkûkê wek a Bexdayê lê bê.

 
Konsulê Fransa: Em piştgiriya mafên destûrî yên Kurdistanê dikin

MONDAY, 15 JANUARY 2018 17:01:49

Hewlêr-KDP.info- Konsulê Giştî yê Fransa li Herêma Kurdistanê Domînîk Mas di civîna xwe de ligel şandeke PDKê ragihand ku welatê wî piştgiriyê li daxwazî û mafên destûrî yên Herêma Kurdistanê dike.

 

Lavrov: Divê berjewendiyên Kurdan li Sûriyê li ber çav bigirin

MONDAY, 15 JANUARY 2018 15:01:17

Hewlêr-KDP.info- Wezîrê Derve yê Rûsyayê Sergey Lavrov ragihand, bê guman Kurd beşek in ji neteweya Sûriyê û divê berjerwendiyên wan jî li ber çav bêne girtin.

 


 
© 2017 Kurdistan Democratic Party, KDP