Kurdî  ■  كوردی  ■  عربي
MON, 16 JUL 2018 15:07 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Parlamenterê Kurd li Bexda: Kêmtir ji %17 ji budceyê em razî nabin
| KDP.info


Hewlêr-KDP.info- Serokê Frakisyona Yekgirtûya Îslamî ya Kurdistanê di Parlamentoya Iraqê de, dibêje aliyên Kurdistanî li Bexdayê ji hemû aliyên Iraqê re gotine ku ew razî nabin para Kurdistanê bibe kêmtir %17.

Li gorî destûrê Iraqê, pêwîst e Hikûmeta Iraqê pêbend be bi para Herêma Kurdistanê ji budceya Iraqê, lê ev çar sal e ku Hikûmeta Iraqê para Kurdistanê bi biryareke siyasî qût kiriye. Piştî referanduma Başûrê Kurdistanê û êrîşa Iraqê li ser Kurdistanê, Bexda biryar daye ku para Kurdistanê bike %12.
derbarî vê yekê de, Musena Emîn Serokê Frakisyona Yekgirtûya Îslamî ya Kurdistanê di Parlamentoya Iraqê de ji malpera KDP.info re ragihand: “Em hemû hewlên xwe didin ji bo ku Bexda li hemberî Herêma Kurdistanê pêbendî destûr û yasayê be. Em wek nûnerên Herêma Kurdistanê pêdagiriyê dikin ji bo garantîkirina mafên Kurdistanê di budceya Iraqê de. Herwiha em Hikûmeta Kurdistanê jî han didin ku pêbend be bi rêkeftinên xwe ligel Bexdayê, da ku ti hinceteke Bexdayê nemîne ji bo neşandina pereyên Kurdistanê.”
Derbarê daxistina rêjeya budceya Kurdistanê ji 17% bo 12%, Emîn wiha got: “Pêwîst e ew rêjeya ku hatiye danîn, bê guhertin û me ji hemû aliyên Iraqî û Amerîka re gotiye ku em qebûl nakin budceya Kurdistanê kêmtir be ji 17ê.”
Attachments area




Nûçeyên din

Çiyayê Qereçûx- Pêşmerge li ser erdê pêş dikevin û DAIŞ dorpêç kirine

MONDAY, 16 JULY 2018 14:07:34

Mexmûr-KDP.info- Îro danê sibehê Hêzên Pêşmerge li ser erdê û balafirên Hevpeymaniya Navdewletî li asman li Çiyayê Qereçûx ê nêzîk Mexmûrê dest bi operasyonekê kirin li dijî DAIŞê. Pêşmerge pêşde çûne û ew terorîst dorpêç kirine.

 
Pêşmerge û Hevpeymanan li nêzîkî Mexmûrê bi tundî li DAIŞê dan

MONDAY, 16 JULY 2018 12:07:25

Mexmûr-KDP.info- Fermandarekî Hêzên Pêşmerge li Çiyayê Qereçox ragihand ku operasyoneke hevbeş ji aliyê Hevpeymaniya Navdewletî û Hêzên Pêşmerge li dijî DAIŞê li Çiyayê Qereçox birêve diçe û bi tundî li wan terorîstan dane.

 
Pispor: Xwepêşandanên Iraqê metirsîdar in..Dê aboriya Iraqê wêran bibe

SUNDAY, 15 JULY 2018 14:07:58

Hewlêr-KDP.info- Ev çend roj in ku xwepêşandanên berfireh li parêzgehên Besre û Necef û Kerbela û Bexda jî birêve diçin. Welatî daxwaza xizmetguzariyan dikin. Pispor dibêjin ev xwepêşandên mezin û êrîşa ser xwepêşanderan amajeyên metirsîdar in li ser Iraqê.

 
Xwêpaşandên Iraqê berfireh bûn û kuştî û birîndar hene

SUNDAY, 15 JULY 2018 13:07:45

Ajans-KDP.info- Di xwepêşandanên li bajarê Besrayê de bi guleyên hêzên ewlekariyê 2 kesan canê xwe ji dest da û herwiha çend kes jî birîndar bûn.

 
Bexda Kurdên Kerkûkê ditirse û hest bi metirsiyeke mezin dike

SUNDAY, 15 JULY 2018 13:07:59

Kerkûk-KDP.info- Hatibû ragihandin ku Hikûmeta Iraqê beşek ji hêzên xwe yên li Kerkûkê kişandiye û biriye parêzgehên Iraqê ji bo rawestandina xwepêşandanan, lê berpirsekî PDKê wê yelê red dike û dibêje Bexda çavdêrtiya Kurdên Kerkûkê dike ku ew jî xwepêşandanan bikin.

 


 
© 2018 Kurdistan Democratic Party, KDP