Kurdî  ■  كوردی  ■  عربي
SAT, 25 NOV 2017 08:51 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Wezareta Pêşmerge bersiva Artêşa Iraqê da: Em di çeperên bergiriyê de ne
| KDP.info


 

Hewlêr-KDP.info- Wezareta Pêşmerge bersiva Artêşa Iraqê da û ragihand, Hêza Pêşmerge li cihê xwe berevaniyê li îradeya bi milyonan welatiyên Kurdistanê dike.

Wezareta Pêşmerge di daxuyaniyekê de bersiv da Fermandeyiya Operasyonên Hevbeşên Iraqê.
Fermandeyiya Operasyonên Hevbeşên Iraqê îşev di daxuyaniyekê de ragihand: “Serkirdeyên herêmê û şanda danûstandinkarê êvariya roja Sêşemiyê 31-10-2017 bi temamî ji wê reşnivîsa ku li ser rêkevtin kiribûn, ku tîma federal danûstandin li gel wan kiribû, poşman bûne û tekez kiribû, ku “Herêmê bi dirêjayî wê heyamê hêzên xwe livandine û hêlekenû ya berevaniyê çê kiriye, bo çêkirina astengiyan û rêgirîkirina li pêşiya belavkirina hêzên federalî, daku bibe sedema gihandina ziraran bi wan, nabe ku li hember wê yekê em bêdeng bin, erkê me ye ku berevaniyê li welatiyan û hêzan bikin.”
Daxuyaniya Artêşa Iraqê rastî berteka Wezareta Pêşmerge ya Kurdistanê hat.
Wezareta Pêşmerge ragihand: “Pêşmergeyên qehreman li cihê xwe yên berevaniyê ne û berevaniyê li îrade û kerameta bi milyonan xortên gelê Kurdistanê û jiyan û mulk û mal û şerefa wan dikin, li hember wê çarenivîsa reş a ku hêjayî hevniştimaniyên Xurmato, Daqûq, Kerkûk û navçeyên din ên arîşedar nîne.”
Di daxuyaniyê de tê gotin: “Em naveroka beyannameya Fermandeyiya Operasyonên Hevbeşên Iraqê înkar û red dikin.”
Herwiha hatiye gotin, hêzên Herêma Kurdistanê di çeperên xwe de amade ne û di dema her egerekê de dê berevaniyê li mafên destûrî yên xelkê Kurdistanê bikin.
Wezareta Pêşmerge daxwaza danûstandinê di navbera Hewlêr û Bexdayê û çareserkirina pirsgirêkan bi rêya diyalogê dike û dibêje: “Di hemû deman de em daxwaz ji Hikûmeta Herêma Kurdistanê dikin bo danûstandin û çareserkirina pirsgirêkan bi rêya diyaloga siyasî, em di heman demê de şêwe û naveroka vê beyannameyê şermezar dikin. Em tekez dikin ku hêzên Hikûmeta Herêma Kurdistanê li cihê xwe yên berevaniyê amade ne, lê belê ti şikî nakin di berevaniya ji jiyan û berjewendiyên rewa û destûrî yên xortên milletê Kurdistanê, û em careke din tekez dikin, ku tekane rêya çareseriya pirsgirêkan, gotûbêja siyasî ya sazîner e û ne zimanê derewan û gef û sozên vala. Û di dawiyê de li kîjan welat an cihekê li vê cîhana me, êrişkar weke mezlûm û berevankar weke zalim tê dîtin.”




Nûçeyên din

Hikûmeta Kurdistanê bersiva Ebadî da

THURSDAY, 23 NOVEMBER 2017 21:11:54

Hewlêr-KDP.info- Hikûmeta Herêma Kurdistanê bersiva daxuyaniya roja Sêşemiyê ya Serokwezîrê Iraqê Heyder Ebadî da û ragihand, bi piştgirêdana bi biryara Dadgeha Federalî ya Iraqê ya di 20-11-2017ê de, divê hemû ew rêkar û encam û bandorên nerewa yên li dijî Herêma Kurdistanê werin hilweşandin ku tenê di berteka referandum de ji aliyê hikûmeta federal û parlamentoya Iraqê ve li ser Herêma Kurdistanê hatine sepandin.

 
Parlamentoya Kurdistanê biryara Dadgeha Fedralî ya Iraqê qebûl nake

THURSDAY, 23 NOVEMBER 2017 19:11:48

Hewlêr-KDP.info- Cîgirê Serokê Parlamentoya Kurdistanê Ceifer Êmînkî ragihand ku ew biryara Dadgeha Federalî ya Iraqê qebûl nakin, ji ber ku kar û deselatê wê dadgehê tenê ravekirina destûra Iraqê ye û nikare biryarê bide referanduma Başûrê Kurdistanê destûrî ye yan na.

Çavkaniyeke agahdar: Şandeke siyasî ji Şîeyan hatiye ser Çiyayê Şingalê

THURSDAY, 23 NOVEMBER 2017 18:11:22

Şingal-KDP.info- Çavkaniyeke agahdar ji ser Çiyayê Şingalê ragihand ku duhî şandeke siyasî ji Şîeyan serdana çiyayê Şingalê kiriye û armanca wê serdanê siyasî bûye.

Wezîrê Derve yê Brîtanya nameyek ji Nêçîrvan Barzanî re şand

WEDNESDAY, 22 NOVEMBER 2017 20:11:36

Hewlêr-KDP.info- Wezîrê Derve yê Brîtanya Boris Johnson ji Serokwezîrê Herêma Kurdistanê Nêçîrvan Barzanî re name şand û tê de ragihand, ku hewleke ciddî ji bo çareserkirina nakokiyên Hewlêr-Bexdayê li ser bingeha Destûra Iraqê heye.

 
Parlamentereke Kurd: Divê madeya 140 cîbicî bibe û piştre danûstandinê destpê bikin

WEDNESDAY, 22 NOVEMBER 2017 18:11:33

Hewlêr-KDP.info- Piryara Dadgeha Fedralî ya Iraqê û daxuyaniya Serok Barzanî li ser wê biryarê, hinek pisporên yasayî û siyasî han dane ku behsa komek mercên Kurdistanî ji bo danûstandinên di navbera Hewlêr û Bexdayê de bikin û bêjin divê gilî li Heyder Ebadî bê kirin.



 
© 2017 Kurdistan Democratic Party, KDP