Kurdî  ■  كوردی  ■  عربي
SUN, 22 OCT 2017 13:15 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî bo Mîr Tehsîn: Êzdî dê bighên hemû mafên xwe
| KDP.info


Hewlêr-KDP.info- Serokê Herêma Kurdistanê Mesûd Barzanî pêşwazî li Mîr Tehsîn Beg û Babe Şêx û Encumena Rûhanî ya Êzdî kir û di wê hevdîtinê de Mîrê Êzdiyan tekez kir ku welatê wan Kurdistan e û Êzdî qet pişta Kurdistanê bernadin û dê hemû dengê xwe bidin serxwebûna Kurdistanê.

Îro Şemiya 23-9-2017ê li Selahedîn Serokê Herêma Kurdistanê Mesûd Barzanî pêşwazî li Mîr Tehsîn Beg Mîrê Êzdiyan û Babe Şêx û Encumena Rûhanî ya Êzdî û şandeke berfireh ji kesayetiyên akadîmî û rewşenbîrî û rûsipiyên Êzdî kir.

Di wê hevdîtinê de di serî de Mîr Tehsîn Beg ragihand ku ew hatine piştevaniya temam a Kurdên Êzdî bo referanduma serxwebûna Kurdistanê bighînin Serok Barzanî û tekez jî kir ku Kurdistan welatê wan e û Êzdî wet pişta Kurdistanê bernadin û hemû jî amade ne dengê xwe bidin serxwebûna Kurdistanê. Herwiha got: “Êzdî di xweşî û nexweşiyê de ligel Kurdistanê ne.”

Ji aliyê xwe ve, Serok Barzanî jibilî bixêrhatina şanda pilebilind a Kurdên Êzdî, ragihand ku Êzdî 2 caran rastî xedrê hatine kirin, carekê ji ber ku Kurd in û carekê jî ji ber ku Êzdî ne, lê nabe ew karesatên ku hatine serê gelê Kurdistanê careke din dûbare bibin û Êzdî û hemû pêkhate dê di saya serxwebûna Kurdistanê de bighên hemû mafê xwe.

Serok Barzanî herwiha da zanîn ku me gelek guvaş dîtin heta ku karîn mafê pêkhateyên Kurdistanê di destûra Iraqê de biçespînin, lê di saya serxwebûna Kurdistanê de, emê bi xwe destûrê xwe binivîsînin û emê tevahiya mafên hemû pêkhateyan tê de garantî bikin.




Nûçeyên din

Wezîra Almanya bo Serok Barzanî: Emê berdewam bin li ser piştevaniya Pêşmerge

THURSDAY, 19 OCTOBER 2017 23:10:29

Hewlêr-KDP.info- Wezîra Berevaniya Almanya Ursula Von der Leyen di pêwendiyeke televonî de li gel Serokê Herêma Kurdistanê Mesûd Barzanî rewşa siyasiya Kurdistan û Iraqê nirxandin.

 
Serok Barzanî: Bexda nikare Kosret Resûl û têkoşerên Kurdistanê bigre

THURSDAY, 19 OCTOBER 2017 21:10:04

Hewlêr-KDP.info- Serokê Herêma Kurdistanê Mesûd Barzanî got, desthilatdariya Bexdayê çi biryarê dide bila bide lê nikare kesekî weke Cîgirê Giştî yê Sekreterê Yekîtiya Niştîmaniya Kurdistanê (YNK) Kosret Resûl bigrin.

 
Pûtîn: Durûtî di helwesta civaka navnetewî de derbarê Kurdistanê heye

THURSDAY, 19 OCTOBER 2017 21:10:53

Ajans-KDP.info- Serokê Rûsyayê Vladimîr Pûtîn ragihand ku pêwîste rêzgirtin ji xwestekên gelan re were kirin.

 
Hikûmeta Kurdistanê pêşwazî li destpêşxerêya Ebadî bo diyalogê kir

THURSDAY, 19 OCTOBER 2017 21:10:54

Hewlêr-KDP.info- Hikûmeta Herêma Kurdistanê ragihand ku ew destpêşxeriya Serokwezîrê Iraqê Heyder Ebadî ji bo gotûbêjkirinê bi erênî pêşwazî dikin.

 
Wezîrê Derve yê Kurdistanê: Kurdistan naxwaze şerê artêşa Iraqê bike

THURSDAY, 19 OCTOBER 2017 15:10:52

Hewlêr-KDP.info- Berpirsê Fermangeha Pêwendiyên Derve ya Hikûmeta Herêma Kurdistanê Felah Mistefa jibilî ku Kurdistan tekez dike li ser diyalog û danûstandinan di navbera Hewlêr û Bexdayê de. Herwiha got jî ku Kurdistan naxwaze şerê artêşa Iraqê bike.

 


 
© 2017 Kurdistan Democratic Party, KDP