Kurdî  ■  كوردی  ■  عربي
THU, 21 SEP 2017 00:47 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Mesrûr Barzanî bang li Kurdistaniyan kir: Bo serxwebûnê bêjin Erê
| KDP.info


Hewlêr-KDP.info- Şêwirmendê Encumena Asayişa Kurdistanê Mesrûr Barzanî bi helkefta cejna Qurbanê bang li Kurdistaniyan kir, bo damezirandina dewleta Kurdistanê di referandumê de dengê “erê” bidin.

Mesrûr Barzanî bi helkefta cejna Qurbanê, peyamek belav kir. Barzanî di peyama xwe de, cejna Serok Barzanî, malbatên şehîd û pêşmergeyan, tevahiya karmendên asayiş û polîs û gelê Kurdistanê pîroz kiriye.

Şêwirmendê Encumena Asayişa Kurdistanê her wiha bang li Kurdistaniyan kiriye, roja referandumê dengê “erê” bidin serxwebûna Kurdistanê. Naveroka peyama Mesrûr Barzanî ev e:

“Bi navê Xwedayê mezin û dilovan,

Ez cejna Qurbanê li cenabê Serok Barzanî, malbatên serfiraz yên şehîd û hemû pêşmergeyên qehreman, karmendên Encumena Asayişê, dezgehên asayiş û polîs û welatiyên Kurdistanê pîroz dikim.

Cejna îsal di demekî de tê pîrozkirin ku emê çend rojên din hemû bi hev re biçin ser sindoqan bo diyarkirina qedera welatê xwe.

Bi vê helkeftê ez careka din daxwaz dikim em, ji bo damezirandina dewletekê ku em hemû xwe welatiyê wê bibînin û arizûya şehîdan û daxwaza mêjve ya gelê Kurdistanê bicîh bînin û pêşiya dubarebûna êş û kederên ku nayên hejmartin, bigirin, di referanduma serxwebûnê de dengê “erê” bidin.

Ez cardin cejna Qurbanê li we hemiyan pîroz dikin û hêvîdar in di bicîhanîna erkên xwe yên niştimanî de serkeftî bin. ”




Nûçeyên din

Serok Barzanî li Silêmaniyê: Armanca referandumê tenê serxwebûn e

WEDNESDAY, 20 SEPTEMBER 2017 19:09:20

Silêmanî-KDP.info- Serokê Herêma Kurdistanê Mesûd Barzanî li bajarê Silêmaniyê di kernavala piştgiriya referadoma serxwebûna Kurdistanê de ragihand, ti şanaziyek ji vê mezintir nîn e ku li nava vî bajarî xweşewîst xwe amade bikin û bibêjin belê ji bo serxwebûna Kurdistanê.

 
Nêçîrvan Barzanî û Balyozê Îtaliyayê pirsa refranduûmê gotûbêj kirin

WEDNESDAY, 20 SEPTEMBER 2017 16:09:00

Hewlêr-KDP.info- Nêçîrvan Barzanî Serokwezîrê Herêma Kurdistanê Roja Sêşem 2017/9/19 pêşwaziya Marco Carnelos Balyozê Îtaliyayê li Iraqê û şandeka serbazî û dîplomasiya pê re kir.

 
Nêçîrvan Barzanî pîrozbahî li keça Pêşmerge Koçer Hacî kir

WEDNESDAY, 20 SEPTEMBER 2017 09:09:25

Hewlêr-KDP.info- Bi boneya xelatkirina Pêşmergeya Hêza Zêrevanî ya Pêşmerge xanim Koçer Salih Hacî, ku wek qehremanekî kampanya cîhanî li dijî hizrên tundrew ji aliyê Neteweyên Yekbûyî ve li New York hatiye binavkirin, Serokwezîrê Herêma Kurdistanê Nêçîrvan Barzanî peyameke pîrozbahiyê jê re şand.

 
Parêzgarê Kerkûkê: Kerkûk dê vêje ERÊ ji serxwebûna Kurdistanê re

TUESDAY, 19 SEPTEMBER 2017 20:09:25

Kerkûk-KDP.info- Parêzgarê Kerkûkê Necmedîn Kerîm dibêje, roja 25ê Îlonê dê xelkê Kerkûkê bêjin Erê ji serxwebûna Kurdistanê re û amadekariyên temam jî ji bo roja referandumê hatine kirin.

 
Barzanî: Em serxwebûnê dixwazin, kursî û pereyan ji Bexdayê naxwazin..Biryarên Bexdayê naghên Kurdistanê

TUESDAY, 19 SEPTEMBER 2017 18:09:07

Soran-KDP.info- Serokê Herêma Kurdistanê Mesûd Barzanî li kernevala piştevaniya referandoma serxwebûnê ya devera Soranê ragihand: “Em serxwebûnê dixwazin, em kursî û pereyan ji Bexdayê naxwazin û biryarên Hikûmeta Iraqê û Parlamentoya Iraqê naghên Kurdistanê.

 


 
© 2017 Kurdistan Democratic Party, KDP