Kurdî  ■  كوردی  ■  عربي
FRI, 20 JUL 2018 13:31 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

PDK: Berbangeke ronahî û geş li pêşiya me ye..Niha dema yekîtiyê ye
| KDP.info


Hewlêr-KDP.info- Frakisyona PDKê li Parlamentoya Kurdistanê ragihand, ku ew bi erênî pêşwaziya heldanên destbikarkirina parlamentoyê dikin û hêvî dikin di çarçoveya lihevkirina siyasî de hemû pirsgirêk li ser maseya guftûgoyê werin çareserkirin.

Fraksiyona Partiya Demokrata Kurdistanê (PDK), roja Şemiyê 05-08-2017,di daxuyaniyekê de ragihand: “Di vê demekê Kurdistan ber bi qonaxekî hestiyar ve gavan diavêje û gelê Kurdistanê di dîroka xwe de yekemîn car bi rêya giştşpirsiyê ber bi mafê çarenivîsa xwe ve diçe. Ev yek daxwaza herî mezin a gelê me ye û berhema xwîna şehîdan û liberxwedana pêşmergeyên qehreman e.”

Fraksiyona PDKê diyar kir: “Îro ji hemû deman zêdetir pêwîstî bi yekrêzî û hevgirtina hêzên siyasî heye. Divê nakokî û ciyawaziyan daynin aliyekê û di çarçoveya stratejiyekî nîştîmanî ya ser hemû berjewendiyên hizbî û siyasî xwe birêbixin.”

Di berdewama daxuyaniyê de hatiye gotin: “Em pêşwazî li hewldanên destbikarkirina parlamentoyê û çareserkirina pirsgirêkên yasayî û siyasî dikin. Em hêvîdar in ku di çarçoveya li hevkirin û hevgirtineke siyasî de hemû pişrsgirêk li ser maseya guftûgoyê werin çareserkirin. Parlamentoya Kurdistanê jî demek ji ya din zûtir dest bi civînên xwe bike. Piştgiriya referandumê, jiyan, debar, meaşên gelê Kurdistanê û çarenivîsa herêmên Kurdistanî yên li derveyî îdareya Herêma Kurdistanê di bernameya sereke ya karê me de be.”

Fraksiyona PDKê herwiha got: “Di vê heyama kurt de bila hemû alî berjewendiyên hemwelatiyan bikin armanc û em bi hevre xwe ji bo hilbijartinên parlamentoyê û yên serokatiya herêmê re amade bikin. Em piştrast in ku di saya yekrêzî û yekbûna nav mala kurd, berbangeke ronahî û geş li hêviya me ye.”


 




Nûçeyên din

Kerkûk- Heşda Şeibî ji aliyekî û DAIŞ ji aliyê din ve gefan li Kurdên Kakeyî dikin

THURSDAY, 19 JULY 2018 18:07:23

Hewlêr-KDP.info- Kurdên Kakeyî di navbera Heşda Şeibî û DAIŞê de bûne qurbanî, ku herdû alî gefan li wan dikin. Bi roj Heşda Şeibî bi zorê wan çekdar dike û bi şev jî DAIŞ êrîş dike ser wan, ew jî ji tirsa dixwazin ji mal û gundên xwe bar bikin.

 
Berpirsê Pêwendiyên PDKê: Dorpêça ser Kurdistanê hat şikestin..Pêwendiyên Kurdistanê pir baş bûne

THURSDAY, 19 JULY 2018 17:07:43

Hewlêr-KDP.info- Berpirsê Pêwendiyên Derve yên PDKê Hoşyar Sîweylî ragihand, niha Herêma Kurdistanê pêwendiyên wê yên dîplomatîk pir baş in û ew dorpêça ku Bexda avêtibû ser Kurdistanê me karî bişkînin.

 
PDK: Bi qesdî dengê xelkê Şingalê hijmar nekirin.. Me gilî kiriye

WEDNESDAY, 18 JULY 2018 17:07:26

Şingal-KDP.info- Berpirsê Şaxa PDKê li Şingalê Qadir Qaçax ragihand ku ji ber ku dengên xelkê Şingalê di hilbijartinan de nehatine hejmartin, PDKê gilî kir li dijî wan kesên ku bûne sedem ku dengê wan neyên hijmartin.

 
Nêçîrvan Barzanî: Rojên zehmet derbas dibin, siberojeke ronahî û geştir li pêşiya me ye

WEDNESDAY, 18 JULY 2018 16:07:21

Hewlêr-KDP.info- Serokwezîrê Herêma Kurdistanê Nêçîrvan Barzanî ragihand, ku piştî dorpêç û sizakirinên li ser Herêma Kurdistanê rojên zor û zehmet derbas bûne û diyar kir, ku niha siberojeke ronahî û geştir li pêşiya Herêma Kurdistanê ye.

 
Hozanvana Amazîxî: Pêwîst e Kurdistan bibe mînakek ji hemû navçeyê re

WEDNESDAY, 18 JULY 2018 14:07:22

Hewlêr-KDP.info- Ew hozanvana Amazîxî ya ku li ser piştgiriya referanduma serxwebûna Kurdistanê li welatê xwe ketibû zindanê, serdana Başûrê Kurdistanê kiriye.

 


 
© 2018 Kurdistan Democratic Party, KDP