Kurdî  ■  كوردی  ■  عربي
SUN, 24 SEP 2017 17:07 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Wezîrê Almanya: Referandum mijareke navxwe ya Kurdistan û Iraqê ye
| KDP.info


Hewlêr-KDP.info- Wezîrê Derve yê Almanya Zîgmar Gabriyel ragihand, referandum mijareka navxwe di navbera Herêma Kurdistanê û hikûmeta Iraqê de ye lê divê girîngiyek zêdetir bo Herêma Kurdistanê bê dayîn.

Wezîrê Derve yê Almanya Zîgmar Gabriyel, ku şeva borî gihîşt Kurdistanê, îro bi Serokê Herêma Kurdistanê Mesûd Barzanî re hevdîtin kir. Piştî hevdîtinê Gabriyel û Serok Barzanî kongreyeke rojnamevanî lidar xistin û bersiva pirsên rojnamevanan dan.

Wezîrê Derve yê Almanya li ser referandoma Kurdistanê axivî û got, ev mijar mijareka taybet di navbera Herêma Kurdistanê û Iraqê de ye. Iraq ne li dijî referandumê ye ji ber ku Ebadî (serokwezîrê Iraqê) ji min re got ku Iraq daxwaza kurdan ya serxwebûnê fam dike. Lê em wek Almanya dixwazin di vî warî de tundî dernekeve. Helbet biryara gelê kurd baştirîn çare ye bo rewşa Herêma Kurdistanê.

Ji aliyê xwe ve, Serok Barzanî li ser referandoma serxwebûna Kurdistanê jî axivî û got, referandum bo wê ye ku deng û xwasta gelê Kurdistanê bigihê cîhanê ji ber wê jî nayê wê wateyê em tundiyê hilbijêrin, emê bi rêbazên aştiyane û diyalogê karê xwe bikin. Ev dê bi sûda kurdan, ereban û hemû gelên navçeyê jî be.

Serokê Herêma Kurdistanê anî ziman ku yên ku li dijî referandumê derdikevin mesele tam fam nekirine û got, referandum ji bona wê ye ku raya gelê Kurdistanê bigihê cîhanê.

Serok Barzanî li ser şerê rizgarkirina Mûsilê jî got, beriya ku şerê Mûsilê dest pê bike me û Bexda û hêzên hevpeyman pilanek hevbeş danî, di çarçoveya wê pilanê de Pêşmerge roja 17 Mijdara par heta 27 heman mehê erkên xwe bicîh anî û deverek bi dirêjahiya 100 km û berahiya 10 km paqij kir paşê artêşa Iraqê dest bi operasyona xwe kir.

Serok Barzanî da xuyakirin ku azadkirina Mûsilê nayê wateya nemana DAIŞê lê dê ziyanek mezin bigihe wê rêxistinê.

Wezîrê Derve yê Almanya li ser şerê DAIŞê û mêrxasiya Pêşmerge axivî û got, Pêşmerge di şerê DAIŞê de mêrxasî û qehremantiyek mezin nîşan da ji ber wê jî em gelekî hurmeta Pêşmerge digirin. Mêrxasiya Pêşmerge wisa kir ku çekên Almanî bigihên Pêşmerge, di demekî de ku şandina çekên Almanî bo derveyî welêt qedexe bû.

Zîgmar Gabriyel her wiha got, DAIŞ tenê li ser Herêma Kurdistanê û Sûriye û Iraqê tehdîd nîne li ser me û Ewropa jî tehdîd e. Ji ber wê jî dema Pêşmerge şerê DAIŞê dike ewlehiya Almanya jî diparêze.

Gabriyel ku di heman demê de cîgirê Serokwezîra Almanya Angela Merkel e jî, anî ziman ku hewandina ewqas koçber ji aliyê Herêma Kurdistanê ve karekî hêsan nîne û got, ji ber wê jî tenê di mijara şer de pêwîstiya Herêma Kurdistanê bi alîkariyê nîne, di mijara koçberan de û di mijara başkirina rewşa civakî û gihandina nifşeka nû de jî pêwîstî bi alîkariyê heye.

Serokê Herêma Kurdistanê behsa alîkariyên ku bo Pêşmerge hatine kirin jî kir û got, di şerê DAIŞê de alîkariya Pêşmerge hat kirin lê wek pêwîst çek nedan Pêşmerge.
 




Nûçeyên din

Bakur- Parêzerên 16 bajaran piştevaniya xwe bo referanduma Başûr ragihandin

SUNDAY, 24 SEPTEMBER 2017 13:09:48

Amed-KDP.info- Parêzerên 16 bajarên Bakurê Kurdistanê piştevaniya xwe bo referanduma serxwebûna Herêma Kurdistana Iraqê nîşan dan û daxwaz ji Tirkiyê kirin, li dijî referandumê dernekeve.

 
Serok Barzanî bo Mîr Tehsîn: Êzdî dê bighên hemû mafên xwe

SATURDAY, 23 SEPTEMBER 2017 18:09:24

Hewlêr-KDP.info- Serokê Herêma Kurdistanê Mesûd Barzanî pêşwazî li Mîr Tehsîn Beg û Babe Şêx û Encumena Rûhanî ya Êzdî kir û di wê hevdîtinê de Mîrê Êzdiyan tekez kir ku welatê wan Kurdistan e û Êzdî qet pişta Kurdistanê bernadin û dê hemû dengê xwe bidin serxwebûna Kurdistanê.

Berdevkê PDKê: Ti rêkeftineke ji bo paşxistina referandumê tune ye

SATURDAY, 23 SEPTEMBER 2017 18:09:12

Hewlêr-KDP.info- Berdevkê Partiya Demokrat a Kurdistanê (PDK) li ser peyama Bavel Talebanî ku di derbarê giştpirsiyê de hatiye belavkirin ragihand: “Ti agahiya me li ser rêkeftineke bi vî rengî tune ye.”

Necmedîn Kerîm: Bila hemû cîhan zanibe ku Kerkûk serxwebûnê dixwaze

SATURDAY, 23 SEPTEMBER 2017 18:09:23

Hewlêr-KDP.info- Parêzgerê Kerkûkê Necmedîn Kerîm îro li bajarê Kerkûkê ragihand ku, ew derfeta niha bi detketiye ya hemû xelkê Kurdistanê ye, li Bakur, Rojhelat û Rojava, xelik dibînin bi çi awayî çaverêya roja Dûşemê dikin daku, biçin ser sendoqên dengdanê.

Serok Barzanî: Dema wê hatiye em bêjin êdî bes e..Kurd bê razîbûna xwe hatine perçekirin

SATURDAY, 23 SEPTEMBER 2017 15:09:54

Hewlêr-KDP.info- Serokê Herêma Kurdistanê Mesûd Barzanî, derbarê guftûgoyên di navbera Hewlêr û Bexdayê de ragihand: “Em dikarin di bin çavdêriya civaka navdewletî de, ji bo serxwebûnê, li ser mijara sînor, av, petrol û gaz û herwiha hemû mijarên din, li gel Bexdayê bigihin rêkeftinê. Em dikarin bibin du cîranên pir baş û hevkariya hev bikin da ku ti pirsgirêkên me nebin. Em dikarin salekê heta du salan jî bisekinin.”



 
© 2017 Kurdistan Democratic Party, KDP