Hewlêr-KDP.info- Serokê Herêma Kurdistanê Nêçîrvan Barzanî çû Brîtanya û biryar e ligel berpirsên pilebilind ên Brîtanya bicive.

Îro Çarşema 15.09.2021 Nêçîrvan Barzanî Serokê Herêma Kurdistanê bi serdaneke fermî gihîşt Londona paytexta Şahnişîna Yekgîrtî.

Nêçîrvan Barzanî di dema serdana xwe de dê ligel Boris Johnson Serokwezîr û Wezîrên Derve û Berevanî û berpirsên dinê Brîtanya bicive.

Nêçîrvan Barzanî dê pêşxistina peywendiyan û berfirehkirina warên alîkarî û hevbeşiya Iraq û Herêma Kurdistanê li gel Brîtanya, şerê dijî terorê, rewş û aramiya Iraq û navçeyê bi giştî ligel berpirsên Brîtanya gotûbêj bike.