Kurdistan Democratic Party

Renewal  .  Justice  .  Coexistence


 

Macron serdana Kurdistanê dike ji ber ku pêgeha Kurdistanê girîng e

Hewlêr-KDP.info- Nûnerê Hikûmeta Herêma Kurdistanê li Fransa Dr. Elî Dolemerî dibêje, biryar e Serokê Fransa Emmanuel Macron bighê Herêma Kurdistanê û sibe ligel Serokê Herêma Kurdistanê Nêçîrvan Barzanî bicive. Herwiha got, Macron serdana Herêma Kurdistanê dike ji ber ku pêgeha Herêma Kurdistanê pir girîng e.

Dr. Elî Dolemerî ji malpera KDP.info re ragihand: “Serokê Herêma Kurdistanê Nêçîrvan Barzanî dê li balafirgeha Hewlêrê pêşwaziyê li Serokê Fransa Emmanuel Macron bike.”

Dolemerî wiha got: “Macron serdana Herêma Kurdistanê dike ji ber ku pêgeha Herêma Kurdistanê girîng e û Fransa pir giringiyê bi Kurdan dide. Macron serdana Kurdistanê dike ji bo ku piştgîriya xwe ji bo Kurdistanê dûbare nîşan bide, ku herdem piştevan e ji bo Kurdistanê.”

Elî Dolemerî wiha domand: “Jibilî ku Macron dê ligel Nêçîrvan Barzanî bicive, piştre dê ligel Serok Masûd Barzanî bicive û piştre dê serdana malbatên şehîdan bike û piştre dê biçe Mûsilê û dê serdana hêzên Fransa li Herêma Kurdistanê jî bike.”