Berdereş-KDP.info- Qaymeqamê Berdereş Xelîl Mehmûd ragihand ku, di berdewamiya vegera koçberên Rojavayê Kurdistanê yên li Herêma Kurdistanê bo Rojavayê Kurdistanê, îro 154 kesên din vegeriyan Rojavayê Kurdistanê.

Xelîl Mehmûd ji malpera KDP.info re ragihand: “Di berdewamiya vegera penaberên Rojavayê Kurdistanê bo Rojava, îro 105 kes ji kampa Berdereş û 49 kes jî ji kampa Giwêlan vegeriyane Rojavayê Kurdistanê û ji bo vegera wan jî hemû asankarî ji wan re hatine kirin.”

Xelîl wiha got: “Yên ku vedigerin Rojavayê Kurdistanê bi kêfa xwe vedigerin û em ji kesî re nabêjin vegerin.”

Di vê dema dawî de gelek penaberên Rojavayê Kurdistanê ji kampên li Herêma Kurdistanê vegeriyane ser mal û halê xwe li Rojavayê Kurdistanê.

265 hezar penaberên Rojavayê Kurdistanê li kampên Herêma Kurdistanê dijîn.