Kurdistan Democratic Party

Renewal  .  Justice  .  Coexistence


 

Nêçîrvan Barzanî dê daxwaza yekdengiyê ji parlemanterên Kurd li Bexdayê bike

Hewlêr-KDP.info- Serokê Herêma Kurdistanê Nêçîrvan Barzanî dê ligel serokên frakisyonên Kurdistanê li Parlemantoya Iraqê bicive û Seroka Frakisyona PDKê Dr. Viyan Sebrî jî derbarê wê civînê dibêje, Nêçîrvan Barzanî dê daxwaza yekdengiyê ji frakisyonên Kurd di Parlemantoya Kurdistanê de bike.

Roja Sêşema 11.2.2020 Serokê Herêma Kurdistanê Nêçîrvan Barzanî dê ligel serokên frakisyonên Parlemantoya Iraqê bicive.

Derbarê wê civînê, Dr. Viyan Sebrî ji malpera KDP.info re ragihand: “Ew civîn roja Sêşemê ye û tê de dê rewşa Iraqê û pêşhatên dawî werin gotûbêjkirin.”

Sebrî wiha got: “Herwiha armanceke din ji vê civînê heye, ew jî yekdengî û hevkariya partiyên siyasî yên Kurdistanê ye di Parlemantoya Iraqê de.”