كاڤین شێخ سەعید*
بەشداریكرنا بەرێز نێچیرڤان بارزانی سەرۆكێ هەرێما كوردستانێ ل رێورەسمێن ڤەشارتنا شاه ژنا بەریتانیا ئەلیزابیث، سەركەفتن و پێشڤەچونەكا دیارە ژبۆ هەرێما كوردستانێ دبوارێ دبلوماسیدا، بەشدارییا سەرۆكێ هەرێما كوردستانى وەك كەسایەتی و سەرۆكێ وەلاتەكێ بەشدار بوویه و رێز لێ هاتیه گرتن كو سەرۆك و سەركردێن پتر ژ سەد و پێنجی وەلاتان بەشداربووینه و بەروڤاژی رێ ب هندەك وەلاتێن بەرنیاس رێ پێ نەدایه كو پشكداربن، یا ژ هەمیا گرنگتر بەرێز نێچیرڤان بارزانی یەكەم كەس و سەركردێ عیراقى یه ل ڤێ رێورەسمێدا بەشدار دبیت، ئەڤه رویدانەكا دیرۆكی یه و پێشڤەچۆنەكا مەزنه دبوارێ پەیوەندیێن گەل و هەرێما كوردستانێ دگەل وەلاتێن جیهانێ و بتایبەت دگەل دەولەت و شانشینا بەریتانیا، ئەڤەژی وێ چەندێ خویا دكەت بەریتانیا دخازیت كوردستان هەرێمەكا ب هێز و پتر سەقامگیر بیت، و ئەڤه و سەرەدانا بەرێز مسرور بارزانی سەرۆكێ حكومەتا هەرێما كوردستانێ یا ڤێ دیماهیێ بۆ بەریتانیا ژلایێ سەرۆك وەزیرێ بەریتانیاڤه ب فەرمی هاتبوو دەعوەت كرن و پێشوازییەكا رەسمی لێ هاتبوو كرن، ئەڤه بخو چێكرنا پرەكا بهێزه ژبو پەیوەندیێن هەرێما كوردستانێ دگەل وەلاتێن جیهانێ و رێخوشكرنه كو دبلوماسیەتا كوردی ژ خەندەكەكا تەنگ و كوره دەركەڤیت بەرەف رۆناهییەكا گەشتر، پێتڤیه ژبۆ پاشەرۆژا هەرێما كوردستانێ پتر گرنگی و پوتە ب دبلوماسیەتا كوردی بهێتەدان هه م دناڤ بالیۆزخانه و قونسولیاتێت عیراقا فیدرال و هەم ل رێكا نوێنەراتیێن هەرێما كوردستانێ لسەر ئاستێ نیڤ دەولەتی و كەسانێت شارەزا و لێهاتی دناڤ هەردوو دەزگەها بهێنه دەست نیشان كرن كو پتر خزمەتا بەرژەوەندیێت هەرێما كوردستانێ بكەن.
*ئەنداما ئەنجوومەنێ نوێنەرێن عیراقێ