Kurdistan Democratic Party

Renewal  .  Justice  .  Coexistence


 

سه‌رۆکی هه‌رێمی کوردستان سه‌رکۆنه‌ی ته‌قینه‌وه‌که‌ی شاری سه‌در ده‌کات

هەولێر-KDP.info- نێچیرڤان بارزانی سه‌رۆکی هه‌رێمی کوردستان لە پەیامێكدا سه‌رکۆنه‌ی ته‌قینه‌وه‌که‌ی شاری سه‌در ده‌کات.

دەقی پەیامی سه‌رۆکی هه‌رێمی کوردستان: 

زۆر به‌ توندی سه‌رکۆنه‌ی ئه‌و هێرشه‌ تیرۆرستییه‌ ده‌که‌م که‌ ئه‌مڕۆ به‌ بۆمبێکی چێنراو بازاڕێکی شاری سه‌دری له‌ به‌غدا کرده‌ ئامانج و له‌ ئه‌نجامدا ده‌یان هاووڵاتی شه‌هید و بریندار بوون.

پرسه‌ و سه‌ره‌خۆشیی قووڵم ئاراسته‌ی‌ که‌سوکاری قوربانییان ده‌که‌م و هاوبه‌شی خه‌میانم، هیوای زووچاکبوونه‌وه‌ بۆ برینداران ده‌خوازم. خوای مه‌زن گیانی شه‌هیدان به‌ هه‌شت شاد بکات و سه‌بووریی خانه‌واده‌ و که‌سوکاریان بداته‌وه‌.

نه‌خۆشخانه‌کانی هه‌رێمی کوردستان بۆ پێشکه‌شکردنی هه‌موو یارمه‌تی و هاوکارییه‌کی پێویستی پزیشکی و پێشوازی له‌ برینداران ئاماده‌ و کراوه‌ن.

 

نێچیرڤان بارزانی

سه‌رۆکی هه‌رێمی کوردستان

٢٠٢١/٧/١٩