ئامەد-KDP.info- سەرۆکی پارتی دیموکراتی کوردستان-تورکیا دبێژیت، کۆمبوونێن ل گەل پارتێن کوردی ل باکووری کوردستانێ ئارمانجا وان ل هەڤکرن و رێککەفتنە ل سەر پرسێن نیشتیمانی.

دوهی ل ئامەدێ ل باکووری کوردستانێ HDP,DTK,DBP,KDP-Bakur,KDP-T و پارتییا ئینسان و ئازادی و پارتییا کۆمینستا کوردستانێ و پارتیا ئازادی و DDKDـێ جڤینەک ل دارخستن.

د ڤی بیاڤی ژی دا محەمەد ئەمین کارداش، ژبۆ ماڵپەڕی فەرمیێ پارتی دیموکراتی کوردستان گۆت:'' دوور ژ فکر و ڕامانێن سیاسی. پێدڤییە کورد ک باکووری کوردستانێ خودان هێلین گشتی بیت و تفاقەکا نەتەوەیی و نیشتیمانی هەبیت دا کوو پێکڤە هەڤکار و پاڵپشتیێن ئێکبین.

ناڤهاتی دبێژیت، ئەڤ تفاقە دێ بەردەوام بیت هەتا دگەهینە روئییەکا سیاسییا هەڤپشک ژبۆ پرسێن نیشتیمانی ژوان ژی ئاڵا و سروود و سەرخۆبوون، ئەڤە ژی پێدڤیی ب پاڵپشتییا تەڤاهیا ئالیێن سیاسیێن کوردییە.

کــاروان بــاعەدری