شنگال - KDP.info - بەرپرسی لقی پارتی لە شنگال دەڵێت، حکوومەتی هەرێم و بەغدا لەسەر ناوی قایمقامێک بۆ شنگال ڕێک کەوتوون.
قادر قاچاخ، بە ماڵپەڕی فەرمیی پارتی دیموکراتی کوردستانی گوت: ''هەردوو حکوومەتی هەرێم و عیراق لەسەر ئەوە ڕێک کەوتوون "خدر ڕەشۆ" کە پێشتر بەڕێوەبەری ناحیەی سنوونێ بوو بکرێتە قایمقامی نوێی شنگال و ئەوان چاوەڕوانی هەنگاوی پراکتیکیی حکوومەتی عێراقن تا هێزە چەکدارەکان وەدەر بنرێن و ئیدارەی نوێی شنگال دەست بە کارەکانی بکات."
ئاماژەیشی دا: "قایمقام پشکی کوردە و لەنێو کوردیشدا هی پارتییە و پارتی بە ئیستحقاقی خۆی دەزانێت، ئێمە چاوەڕوانی کرداری حکوومەتی عێراقین تا ئەو هێزە نایاساییانە دەربکرێن و ئیدارەی نوێ دەستبەکار بێت."
کاروان باعەدری