Kurdistan Democratic Party

Renewal  .  Justice  .  Coexistence


 

وەزارەتی ناوخۆ هاووڵاتیانی هەولێر ئاگادار دەکاتەوە

هه‌ولێر-KDP.info- وەزارەتی ناوخۆی حکوومەتی هەرێمی کوردستان هاووڵاتیانی ناوچەیەکی هەولێر لە مەشقێکی سەربازی ئاگادار دەکاتەوە.

بە گوێرەی ئاگادارییەکی وەزارەتی ناوخۆ کە لە ماڵپەڕی فەرمیی وەزارەتەکەدا هاتووە، ئاماژە بەوە دراوە: "ئەو هێزەی زێرەڤانی کە بەرپرسە لە پاسەوانیی فڕۆکەخانەی نێودەوڵەتیی هەولێر لە ئێوارەی ٢٠٢٠/٣/٢٢ هەڵدەستێت بە ئەنجامدانی مەشقێکی سەربازی بۆ هەلسەنگاندن و بەهێزترکردنی تواناکانیان.

ئەمەش دەقی ئاگادارییەکەیە:

ئاگادارى

ئەو هێزەی زێرەڤانی کە بەرپرسە لە پاسەوانیی فڕۆکەخانەی نێودەڵەتی هەولێر لە ئێوارەی ٢٠٢٠/٣/٢٢ هەڵدەستێت بە ئەنجامدانی مەشقێکی سەربازی بۆ هەڵسەنگاندن و بەهێزترکردنی تواناکانیان.

ئەو چاڵاکییانە تا (٥) کیلۆمەتریی باکووری فڕۆکەخانەی نێودەوڵەتی هەولێر دەگرێتەوە.

بە پێویستی دەزانین هاووڵاتیانی خۆشەویستی ئەو ناوچانە ئاگادار بکەینەوە کە ئەو بابەتە تەنیا بۆ مەبەستی راهێنانی سەربازییە.