Kurdistan Democratic Party

Renewal  .  Justice  .  Coexistence


 

سەرۆك بارزانی پێشوازی لە پارێزگاری نەینەوا دەكات

هەولێر-KDP.info-  رۆژی سێشەممە 21ـی 1ـی 2020 لە سەلاحەددین سەرۆك مەسعود بارزانی پێشوازی لە نەجم ئەلجبووری پارێزگاری نەینەوا كرد.

لە دیدارەكەدا بارودۆخی شاری موسڵ و ناوچەكانی تری پارێزگای نەینەوا و ڕەوشی ئاوەدانكردنەوەی ناوچە ئازادكراوەكان و بار و گوزەرانی ئاوارەكان و هەروەها كۆسپەكانی بەردەم گەڕانەوەی ئاوارەكان بۆ ناوچەكانیان تاوتوێ كرا.

مەترسییەكانی سەرهەڵدانەوە و بەهێزبوونەوەی تیرۆر و پێویستیی هەماهەنگیی لایەنەكان بۆ ڕووبەڕووبوونەوەی تیرۆر تەوەرێكی تری ئەو دانیشتنە بوو.