هژماره‌كا روژنامه‌ڤان و نڤیسه‌رێن ده‌ڤه‌را ئامێدیێ سه‌را لقێ ١٨ ی پارتی دیموكراتی كوردستان دا ل روژا سێ شه‌مبی رێكه‌فتی ١٨-٦-٢٠١٣ و ژ لایێ هێژا فه‌ریق فاروق به‌رپرسێ لقێ و عه‌ونی ئه‌رتیسی و عه‌بدولواحد هێتوتی كارگێرێن لقێ پێشوازی لێ هات كرن.

درونشتنه‌كێدا ل هولا لقێ ره‌وشا ئه‌ڤرو یا هه‌رێما كوردستانێ بگشتی و ده‌ڤه‌را ئامێدیێ بتایبه‌تی هاته‌ به‌حسكرن، كار و رول و ئه‌ركێن ل سه‌ر ملێن روژنامه‌ڤان ونڤیسه‌ران ته‌وه‌ره‌كێدی یێ رویننشتنێ بوو .

به‌رپرسێ لقێ خوشحالیا خو ده‌ربری بو ڤێ سه‌ره‌دانی ژلایێ ته‌خه‌كا ره‌وشه‌نبیر و كاریگه‌رڤه‌ و هیڤی خواستن ئه‌ف جوره‌ سه‌ره‌دانه‌ دبه‌رده‌وام بن و به‌رهه‌ڤیا خه‌ ده‌ربری بو هه‌ر كار و هاریكاریه‌كا پێتڤی .

ژ لایێ خوڤه‌ شا‌ندێ ناڤهاتی سوپاسیا به‌رپرس و كارگێرێن لقێ كر بو پێشه‌وازیا گه‌رم و به‌رهه‌ڤیا خو دیاركر بو هه‌ر كاره‌كی ژبو خزمه‌تا خه‌لكێ ده‌ڤه‌رێ.