دھۆک-KDP. info- د چوارچۆڤێ هەوڵێن بەردەوام یێن حکومەتا هەرێما کوردستانێ بۆ پێشئێخستنا ژێرخانا ڕێک و پران، پڕۆژێ ستراتیژی یێ چێکرنا جوتسایدا (شێخان - باعدرێ) ل پارێزگەها دهۆکێ ب درێژاهیا پتر ژ ٨ کیلۆمەتران گەهشتووەتە قۆناغێن بدووماهیهاتنێ و ب زوترین دەم دێ ب شێوەیەکێ فەرمی هێتە ڤەکرن و کەڤیتە د خزمەتا وەلاتییان دا.
ئەڤ پڕۆژەیە کو ب گوژمەیەکێ بەرچاو یێ دارایی دهێتە ئه‌نجامدان، پێنگاڤەکا گرنگ و ئاڤەدانکارییا ستراتیژییە بۆ سڤککرنا قەرەبالغیا هاتنوچوونێ و گرێدانا ناوچەیێن جودا یێن پارێزگەها دهۆکێ ب ئێکڤە.
ب بدووماهیهاتنا ڤی پڕۆژەیی، چەندین ئارمانجێن سەرەکی یێن خزمەتگوزاری دێ هێنە دیارکرن:
بڵندکرنا ئاستێ سەلامەتیێ: بەرفرەهکرنا ڕێکێ و ڤەگوهاستنا بزاڤا هاتنوچوونێ بۆ سەر دوو ئاڕاستان، ب شێوەیەکێ بەرچاو روودانێن دلتەزێن یێن هاتنوچوونێ کێم دکەت و گیانێ وەلاتییان دپارێزیت.
بساناهیکرنا هاتنوچوونێ: ڕێگریا ل دروستبوونا قەرەبالغیا بەردەوام دکەت و ڕێکێ بۆ لڤینا ترۆمبێل و بارهەڵگران خێراتر و ئاسانتر دکەت.
پشتەڤانیکرنا کەرتێ ئابووری و جووتیاران: ئاسانکارییا تەمام بۆ هاتنوچوونا گوندنشین و جووتیارێن دەڤەرێ دابین دکەت، کو ئەڤە ژی دبیتە ئەگەرا چالاکتربوونا بزاڤا بازرگانی و گەشەپێدانا ئابووریا دەڤەرێ.
تاقمێن ئەندازیاری و تەکنیکی د هەوڵێن بەردەوام دانە بۆ ئەنجامدانا کارێن مایی ب کوالیتیا بڵند، دا کۆ پڕۆژە د نێزیکترین دەم دا بکەڤیتە خزمەتا گشتی دا.