سەباح بەیتۆڵا
داستانا بناڤ و دەنگا خۆاكوركی كو ل ڕۆژا ١٩-٧-١٩٨٨ دەستپێكری ل ٥-٩ دوماهی پێ هات و ئیرادا گەلێ كوردستانێ بسەركەفت و ئەف پەیامە دا دوژمنی:
١- پارتی دیموكراتی كوردستان پێشەنگیا تەڤگەرا ڕزگاریخازیا گەلێ كوردستانێ دكەت و دەستا ژێ بەرنادەت.
٢- پارتی خودانا بریارا خۆیە و ئەمرو بریارا ل چ هـێز و لایەنەكی وەرناگریت.
٣- پەیامەكا توند بوو بۆ ڕژێما بەعس كو پارتی و ڕێبازا پیرۆزا بارزانی كاودان چەند نەخۆش و گران بن تەسلیمی ئیرادا دوژمن و داگیركەرا نابیت.
٤- لڤێ داستانێ دا شیرازا دوژمنی ژ لایێ سیاسی-ئابوری-لەشكەری-جڤاكی-دبلوماسی-جەماوەری تێكشكاند.
٥- ئۆمێد بۆ پاشەڕۆژەكا گەشتر توماركر.
٦- جەماوەر هوشیار كرەڤە كو ئامادەبن بۆ ڕاوەستان دژی زۆڵم و زووریێ.
٧- هەمی كوردپەروەرەك و نیشتیمان پەروەرەك ئامادەكر بۆ هەر گۆرانكاریەكا بلەز.
٨- جەنابێ سەرۆك مەسعود بارزانی سەرپەرشتیا ڤێ داستانا مەزن دكر و خویاكر كو ڤێ ڕێبازێ مێژوویا سەربلندیێ توماركریە.
٩- فەرموودێن جەنابێ سەرۆك بارزانی ل داستنا خواكوركی دا ب دەمەكێ نزیك هاتنە وجوودێ و ئەف داستانە بۆ ئەگەر و هێڤێنێ سەرهەڵدانا ١٩٩١ێ.
١٠- ئاوارێن خۆڕاگرێن ئیڕانێ رۆلەكێ باش هەبوو بۆ سەركەفتنا وێ داستانێ.
١١- ئەف داستانە ب خۆینا ٢٨ شەهیدێن قەهرەمان هاتە توماركرن. سڵاڤ ل گیانێ بڵندێ وان.
١٢- گەلەكا فەڕە ئەف داستانێن مەزن ل مێژوویا بزاڤا ڕزگاریخازیا گەلێ كوردستانێ دا ببنە فلم و دراما و وانێن خاندنێ ل پەروەردێ دا بۆ هوشیاركرنا نەڤێ داهاتی.
١٣- یا ژهەژی گوتنێ یە ڕۆڵێ دەنگێ كوردستانێ ژی نەهێتە ژبیركرن كو پاڵپشتەكێ باش بوو بۆ سەركەفتنا ڤێ داستانا بناڤ و دەنگ.
١٤- دڤێرێ دا و ل دوماهیێ دبێژین بلا دوژمنێت گەلێ مە پەند و دەرسا ل مێژوویێ وەربگرن كو هەتا پارتی و بارزانی سەركێشی و پێشەنگیا بزاڤا ڕزگاریخازیا گەلێ كوردستانێ دكەن چ جاران دەستا ل مافێن گەلێ خۆ و ئازادیا خۆ بەرنادەن و دفەرهەنگا پیرۆزا رێبازا بارزانی دا تەسلیم بوون و خۆچەماندن تێدا نینە و ناهـێتە دیتن و ب ئانەهـیا یەزدانێ دلۆڤان ئەف رێبازا مەزن و جەنابێ سەرۆك بارزانی دێ ئارمانجا هەرە مەزن كو سەرخۆبوونە دێ بدەستڤەئینن.
بەلێ داستانا خواكوركی دێ مینیت ناڤەک بڵند و پیرۆز و مەزن و جهـێ شانازیێ.