رێژین نهێلی 

کارەساتا ئەنفالێن بادینان هەر چەند سال بسەردا دەرباز دبن ئەو برینە هەر یا نوی و نەسارێژ بوییە د بیردانکا مروڤاتیێ و بتایبەت خەلکێ کوردستانێ دا.

ل 25ى تەباخى تا 6ى ئەیلولا سالا 1988ى ڕژێما عێراقی تاوانەکا نەمرۆڤانە ل دژی دەڤەر و گوندین دەڤەرا بەهدینان ئەنجام دا و کارەساتەکا کێم وێنە بو د مێژوویا مروڤایەتیێ دا لەهەمبەر مللەتێ کورد هاتیە کرن، ل وی دەمێ ژمارەکا مەزن یا هاولاتیین مە ب دەستی حکومەتا ژناڤچوویی یا عێراقی ب ڕێکا و هەمی جورێن چەکێ قەدەغەکری دەست ب وێرانکرنێ کر و ڤیا یە مللەتی و تاکی کورد بەرەف نەمان و چارەنڤیسەکێ نەدیارڤە ببه‌ن و دڤی کارەساتێ دا چەندین هاولاتیین بی گونەهـ هاتنە شەهیدکرن و ئەشکەنجەدان و دەر بەدەرکرن و دیرئێخستن ل مال و گوند و وارین وان.

لەورا ژی ئەنفال نەبەس ڕویدانەکا مێژووییە بەڵکو نیشانەکا دیارە ژ زولم و زوورداریا دوژمنان ب سەر مللەتی کورد دا هەتا ئەڤرۆ ژی خێزان چاڤەری نیشان و هیڤیەکی نە ژ بو ڤەگەڕاندنا کەس و کارێن خۆە یین بەرزەبووی.

گۆرین ب کۆمەڵ و زارووکێن پاش باب ماین و ئێشێن گران یین دایکان ژی بوینە بەڵگەیەک ل سەر ڤی تاوانا نەمرۆڤانە و ڤی تراژیدیا دژوار. لەوما بیرئینان ل کارەساتا مەزن یا ئەنفال ئەركەکی نەتەوەیی و مروڤایەتی یە. فەڕە ڕاستیا ڤی کارەساتێ بو جێلی نوێ و تازە پێگەهشتی بدرستی بهێتە ڤەگوهاستن و شروڤەکرن. داكو ئەو تاوانا مەزن نەهێتە ژبیرکرن و دیسان ڕێک نەهێتەدا د دیرۆکا هەبوونا کوردا ئەڤ ڕویدانە دووبارە بنەڤە.

ژبیرنەکرنا قوربانیان نیشانا هندی یە کو پاراستنا ڤان جۆرە بیرەوەریان ڕێیا ئاشتی و دادپەروەریێ ڕوناهی دکەت و هەروەسا ئەو دەنگێ هاتیە بێدەنگ کرن ب چاڤێن گرێدایی و گوللە و چەکێن کیمیایی ئەم ڤان دەنگا زیندی بکەینەڤە و ڤی ناسنامەیا پیرووزا کورد بونامە یا کو دوژمنا ل بەر بو ژناڤ ببه‌ن ، بپارێزین و نیشا هەموو جیهانی بدەین کو کورد دی هەرمینن و کوردستان دی هەر یا ئاڤەدان و دگەشێ دابیت.

ل سالڤەگەرا ئەنفالا بادینان سەری ڕێز و نەوازشی دچەمینن بو هەمی قوربانیێن ئەنفالان و شەهیدێن کوردستانی.