واشنتۆن-KDP.info- بە بۆنەی تێپەڕبوونی ٨٠ ساڵ بەسەر دامەزراندنی پارتی دیموکراتی کوردستان و ساڵیادی لەدایکبوونی ڕابەری بزووتنەوەی ڕزگاریخوازی کوردستان، جەنابی سەرۆک مەسعود بارزانی، لە واشنتۆنی پایتەخت ئاھەنگێکی شکۆدارانە بەڕێوەچوو.
لەو مەڕاسیمەدا کە نوێنەری حکوومەتی ھەرێمی کوردستان، نوێنەرانی پارت و ڕێکخراوەکانی کوردستان و ژمارەیەکی بەرچاو لە دۆست و ھەڤاڵان لە سەرجەم پارچەکانی کوردستان ئامادەی بوون، بە گرنگییەوە باس لە مێژووی پڕ لە خەبات و کۆڵنەدانی پارتی و ڕۆڵی سەرۆک بارزانی لە بزووتنەوەی ڕزگاریخوازی گەلی کورد کرا.
لقی ٧ی پارتی دیموکراتی کوردستان بەو بۆنەیەوە سوپاسی سەرجەم بەشداربووانی کرد کە بە گیانێکی کوردایەتییەوە بەشدارییان لەو بۆنەیەدا کردووە.
