بەهدینان-KDP.info- بەهەڵکەفتا ساڵیادا کۆمکوژیا سێمێلێ و ڕۆژا شەهیدێ ئاشۆری، مەکتەبا ڕێکخستنا پارتی دیموکراتی کوردستان ل بەهدینان پەیامەک بەلاڤ کر و تێدا جەخت ل سەر برایەتی و پێکڤەژیانا ئاشتیانە یا پێکهاتەیێن کوردستانێ کر، و ڕاگەهاند کو پاراستنا ڤێ پێکڤەژیانێ ڕێبازەکا نەگۆڕ یا پارتی دیموکراتی کوردستانێ یە.
دەقی پەیامەکەی مەکتەبا ڕێکخستنا پارتی ل بەهدینان:
ب هەلکەفتا ڕۆژا شەھیدێ ئاشۆری و سالیادا دلتەزینا کۆمکوژیا سێمێلێ، کۆ د ڕۆژەکا وەکی ئەڤرۆ دا ل سالا ١٩٣٣ێ، ب سەدان وەڵاتیێن سڤیل و بێگونەهـ، ژ گەلێ مە یێ ئاشۆری ژ لایێ سوپایێ عێراقێ ڤە، ل سێمێلێ ھاتنە کوشتن.
مەکتەبا ڕێکخستنا پارتی دیموکراتی کوردستان ل بەهدینان، بڤێ ھەلکەفتنا خەمگین، سەرەخۆشی و هەڤخەمیا خۆ ئاراستەی پێکھاتیێ ئاشۆری دکەت.
ب ڕێز و حورمەتڤە، سەری بۆ گیانێ پاکێ ڤوربانیێن وێ کۆمکوژیێ دچەمینین و ڤێ کارەساتێ وەکی لاپەرەکێ دڵتەزین ژ دیرۆکا عیراقێ بیر دئینینەڤە.
د دەمەکی دا کۆ ئەم ڤێ تاوانا ل دژی خەلکێ سڤیل و بێگونەهێ ئاشۆری، شەرمزاردکەین، دھەمان دەم دا، تەکەزیێ دکەین، کۆ کوردستان، دێ هەر مینیت، وارگەھێ پێکڤەژیانا ئاشتیانە و برایەتیێ د ناڤبەرا تەڤایا پێکهاتێن خۆ یێن نەتەوەیی و ئایینی دا.
پاراستنا ڤێ پێکڤەژیانێ، ڕێبازەکا نەگۆڕ یا پارتی دیموکراتی کوردستانێ یە، کو ژ میراتێ پر دەولەمەندێ مرۆڤایەتی و فەلسەفەیا بارزانیێ نەمر وەرگرتیە.
پارتی ھەردەم باوەری هەبوویە، کۆ پێکڤەژیانا ئاشتیانە، ڕێزگرتن ل شیرازێ ڕەنگاوڕەنگێ جڤاکی، بەرقرارکرنا دادپەروەریێ و پاراستنا مافێن ھەموو پێکھاتیان، بنەمایێن هێز و سەقامگیریا کوردستانێ نە.
سڵاڤ ل گیانێ پاکێ شەهیدێن کۆمکوژیا سێمێلێ و تەڤایا شەھیدێن کوردستانێ و کوردستان ھەرا ئارام و ئاڤەدان بیت.
مەکتەبا ڕێکخستنا پارتی دیموکراتی کوردستان ل بەهدینان
٧ێ تەباخا ٢٠