ھەولێر-KDP.info- بەشی ڕۆشنبیری و ڕاگەیاندنی پارتی دیموکراتی کوردستان، بە بۆنەی دووەمین ساڵیادی دامەزراندنی تۆڕی میدیایی شێخان، پەیامێکی پیرۆزبایی ئاراستەی بەڕێوەبەر و ستافی بەڕێوەبردن و کادیر و کارمەندانی تۆڕی میدیایی شێخان کرد.
دەقی پەیامی ڕاگەیاندنی پارتی بەبۆنەی دووەمین ساڵیادی دامەزراندنی تۆڕی میدیایی شێخان.
بەڕێزان بەڕێوەبەر و ستافی بەڕێوەبردن و کادیر و کارمەندانی تۆڕی میدیایی شێخان
لە دووەمین ساڵیادی دامەزراندنی تۆڕی میدیایی شێخان، پیرۆزباییەکی گەرم لە ئێوەی ھێژا و خوێنەران و ئاشنایانی خۆشەویستی ڕادیۆ و ماڵپەڕی شێخان میدیا دەکەین، ھیوادارین بۆ ساڵی داھاتوو لە ھەموو ڕوویەکەوە ھەنگاوی نوێتر و باشتر بنێن.
دامەزراندنی ئەو پڕۆژە ڕۆشنبیری و میدیاییە دەستکەوتێکی دیکەی گرنگی میدیایی پارتیمانە بۆ خزمەتگەیاندن بە بواری ڕاگەیاندن بە گشتی، ھەروەھا لەو ڕۆژگارە پێشکەوتووەدا لە ڕووی تەکنەلۆجیا و پەیوەندی پێوەکردن بایەخی خۆی ھەیە، بۆیە ڕۆڵی ئێوە زۆر دیار و کاریگەرە لە بواری ڕۆشنبیری و ھۆشیاری و خستنەڕووی خواست و ویستی خەڵک و دانیشتوانی ئەو ناوچەیە.
دووبارە بەو بۆنەیەوە خوازیاری پێشکەوتن و سەرکەوتنی زیاترین لە کار و چالاکییەکانتان.
بەشی ڕۆشنبیری و ڕاگەیاندنی پارتی دیموکراتی کوردستان
٢٣ی تەمووزی ٢٠٢٦