ھەولێر-KDP.info- بەشی ڕۆشنبیری و ڕاگەیاندنی پارتی دیموکراتی کوردستان، بە بۆنەی (٣٣)ەمین ساڵیادی دامەزراندنی بنکەی ڕۆشنبیری و جڤاکی لالش، پەیامێکی پیرۆزبایی ئاراستەی سەرۆک و ئەندامانی دەستەی باڵای بنکەکە کرد.
دەقی پەیامەکە:
بەڕێزان/ سەرۆک و ئەندامانی دەستەی باڵای بنکەی لالش
بە بۆنەی (٣٣)ەمین ساڵیادی دامەزراندنی بنکەی ڕۆشنبیریی و جڤاکی لالش، پیرۆزباییەکی گەرم لە ئێوەی هێژا و کادیر و ئەندامانی بنکەکەتان دەکەین. ئومێدەوارین لە کار و چالاكییەکانتان بەردەوامبن و لە خزمەت بزاڤی ڕۆشنبیریی و کەلتووریی ئێزدیان دابن.
لەم دەرفەتەدا جەخت لەسەر پتەوکردنی گیانی برایەتی و پێکەوەژیان لەنێوان سەرجەم پێکهاتەکانی کوردستان دەکەینەوە، هاوکات پشتیوانیی خۆمان بۆ بنکەی لالش دووپات دەکەینەوە.
هەر سەرکەوتوو بن.
بەشی ڕۆشنبیری و ڕاگەیاندنی پارتی دیموکراتی کوردستان
١١ی ئایاری ٢٠٢٦