ھەولێر-KDP. info- دکتۆر پشتیوان سادق، پیرۆزبایی و ڕێزی بەڕێز (مەسروور بارزانی)، سەرۆکی حکوومەتی هەرێمی کوردستانی گەیاندە بەڕێز ئایدن مەعروف و ئەندامانی بەرەی تورکمانی.
ئەمڕۆ پێنجشەممە ٢٠٢٦/٤/٢٣، دکتۆر پشتیوان سادق، بەرپرسی مەکتەبی ڕێکخستنی پارێزگای هەولێر، بە یاوەری چیا محەمەد، یاریدەدەری مەکتەب و کەمال عەبدوڵڵا، بەرپرسی پەیوەندییەکانی مەکتەب، بە مەبەستی گەیاندنی پەیامی پیرۆزبایی (٣١)ەمین ساڵیادی دامەزراندنی بەرەی تورکمانی، سەردانی مەکتەبی سیاسیی ئەو حیزبەیان لە هەولێر کرد.
دکتۆر پشتیوان سادق، پیرۆزبایی و ڕێزی بەڕێز (مەسروور بارزانی)، سەرۆکی حکوومەتی هەرێمی کوردستانی گەیاندە بەڕێز ئایدن مەعروف و ئەندامانی بەرەی تورکمانی و هیوای خواست ئەم یادە ببێتە هۆی پتەوکردنی زیاتری گیانی برایەتی و پێکەوەژیانی ئاشتیانەی پێکهاتەی تورکمان و تەواوی پێکهاتەکانی تر، کە هەرێمی کوردستان بووەتە سیمبولی جوانی، سەقامگیری و ئاشتی لە ڕۆژهەڵاتی ناوەڕاست..