شەقڵاوە-KDP.info- لقی ٢٤ـی سەفینی پارتی دیموکراتی کوردستان، لە ٣٩ـەمین ساڵیادی کیمیابارانکردنی دۆڵی خۆشناوەتی و بالیسان و شێخ وەساناندا ڕایدەگەیەنێت، کیمیابارانکردنی ئەم ناوچەیە گەورەترین تاوانی مرۆڤایەتی بوو و جەختیش دەکاتەوە کە ئەرکی حکوومەتی فیدراڵە قەرەبووی ماددی و مەعنەویی قوربانییان بکاتەوە.
دەقی پەیامی لقی ٢٤ـی سەفینی پارتی دیموکراتی کوردستان:
پەیامی لقی٢٤ی سەفین لە سی و نۆهەمین ساڵیادی کیمیابارانکردنی دۆڵی خۆشناوەتی و بالیسان و شێخ وەسانان.
- جەماوەری کورد پەروەر و نیشتیمان پەروەری سنوورمان.
- خەڵکی ئازادیخواز و مرۆڤ دۆستی بالیسان و، دۆڵی خۆشناوەتی لانکەی شۆڕش و مەردایەتی.
٣٩ ساڵ لە مەوبەر و لە ئێوارەی ١٩٨٧/٤/١٦ ڕژێمی داگیرکەر و گۆڕ بەگۆڕی بەعس بە (۱٠) فڕۆکەی جەنگی و، بە گازی خەردەل و، سارین ی قەدەغەکراوی نێودەوڵەتی خەڵکی سڤیل و ئاشتیخوازی بالیسان و شێخ وەسانی کیمیاباران کرد، کە بووە هۆی شەهید بونی زیاتر لە (٢٥٦) هاووڵاتی بێتاوانی ئەم گوندە و زامداربوونی سەدان هاووڵاتی بێتاوانی خۆشناوەتی.
ڕژێمی بەعس بەم تاوانە دڕندانەیە گەورەترین تاوانی مرۆڤایەتی تۆمارکرد و بۆ یەکەمین جار چەکی قەدەغەکراوی نێودەوڵەتی لەم سنوورە بەکارهێنا و دواتر لە ناوچەکانی تری کوردستانیشی بەکار هێنا و هەزاران کوردی بێتاوانی شەهید و بریندار کرد.
کە بەو هۆیەوە تا ئێستاش بەشێک لە بریندارانی ئەم کیمیابارانە بە ئازاری برینەکانیانەوە دەناڵێنن و، کاریگەری ئەم کیمیابارانکردنە بەسەر ژیان و سروشتی خەڵک و خاکی ئەم سنورەوە ماوە و، برینێکی ساڕێژ نەبوویە لە جەستەی نیشتیمان دا.
- لەو یادە کارەسات ئامێز و ماتەمینیە دا:
پێمان وایە ئەرکی حکوومەتی فیدراڵە قەرەبوی ماددی و مەعنەوی خەڵکی سڤیل و، غەدرلێکراوی خۆشناوەتی و بالیسا ن و شێخ وەسان بکاتەوە.
- لەو یادەدا بەڵێن بە جەماوەری بەشمەینەت و مەزڵومی ئەم سنوورە دەدەین هەرچی لە توانامان دابێت بۆ خزمەتکردنیان و گەیاندنی ئێش و ئازار و موعانات و داواکاریەکانیان بە لایەنە پەیوەندیدارەکان درێخی نەکەین.
- سڵاو لە گیانی پاکی شەهیدانی بالیسان و، شێخ وەسان و، گوندەکانی دەورو بەری.
- سڵاو لە خۆڕاگری و، کورد پەروەری و، مەردایەتی دۆڵی خۆشناوەتی و بالیسان و شێخ وەسان.
لقی٢٤ی سەفین
پارتی دیموکراتی کوردستان