دهۆک-KDP.info- د. عەلی تەتەر، پارێزگارێ دهۆکێ سەردانا لقێ ١٨ یێ پارتی دیموکراتی کوردستان ل ئامێدیێ کر و دگەل بەرپرسێ لقێ و بەرپرسێن دەڤەرێ ڕەوشا خزمەتگوزاری و پڕۆژەیێن ئاڤەدانکرنێ ل دەڤەرێ گەنگەشە کرن.
د. عەلی تەتەر پارێزگارێ دهۆکێ ب هەڤالینیا شاندەکی، سەردانا بارەگایێ لقێ ١٨ یێ پارتی دیموکراتی کوردستان کر و ژ لایێ بەهرام عریف یاسین بەرپرسێ لقێ ١٨ و ئەندامێن دەستەیا کارگێری یا لقێ ڤە ب گەرمی هاتە پێشوازیکرن.
د کۆمبوونەکێدا، کو ب ئامادەبوونا وارشین سەلمان قایمقامێ قەزا ئامێدیێ برێڤەچوو، چەندین تەوەرێن گرنگ یێن تایبەت ب ڕەوشا دەڤەرێ هاتنە گەنگەشەکرن.
هەردوو ئالیان تەکەزی ل سەر بەردەوامیا کاروانێ ئاڤەدانکرنێ و ئەنجامدانا پڕۆژەیێن نوی ل دەڤەرا ئامێدیێ کر و دوپاتی ل سەر باشترکرنا کوالیتیا خزمەتگوزاریان د هەمی بیاڤان دا هاتەکرن، ب مەرەما پێشکێشکرنا باشترین خزمەت بۆ خەلکێ دەڤەرێ و گەنگەشە ل سەر ب هێزکرنا هەماهەنگیێ د ناڤبەرا سازیێن حکومی و حزبی دا هاتەکرن ژ بۆ بجهئینانا داخوازیێن ڕەوا یێن وەلاتیان.
