ئاسھێ-KDP. info- ئەڤرۆ روژا شەمبیێ رێکەفتی 14/3/2026 د ڕێورەسمەکێ ژ هەژی دا و ب ئامادەبوونا جەماوەرەکێ زۆر، تەرمێ پێشمەرگەیێ دێرین و کادرێ پێشکەڤتییێ پارتی دیمۆکراتی کوردستان، خودێ لێ خۆشبۆیی (سەربەست زاخۆیی)، ل گوندێ ئاسهێ هاتە ڤەشارتن.
د ڕێورەسمێن خاکسپاردنێدا، بەرێز سەربەست لەزگین، ئەندامێ مەکتەبا سیاسی و بەرپرسێ مەکتەبا ڕێکخستنا پارێزگەها دهۆک یا پارتی دیمۆکراتی کوردستان، و بەرێز عومەر ئۆرەیی، بەرپرسێ لقێ 8 یێ پارتی پشکدار بوون. هەروەسا هەژمارەکا زۆر یا بەرپرسێن حکومی و ئیداری، رێڤەبەرێن گشتی، کادر و ئەندامێن لقێ هەشت و خەلکێ دەڤەرێ و کەس و کارێن وی ئامادە بوون بۆ مالئاڤاهییا دووماهییێ ژ ڤی تێکۆشەری.
د ڕێورەسمان دا، بەشداربوویان ئاماژە ب مێژوویا پڕ ل سەروەری یا (سەربەست زاخۆیی) کر کو تەمەنێ خۆ د خزمەتا بزاڤا ڕزگاریخوازییا گەلێ کوردستانێ و ڕێبازا بارزانیێ نەمر دا ب سەر بربوو، و وەک کەسایەتییەکێ دیار و نیشتیمانپەروەر ل دەڤەرا زاخۆ دهاتە نیاسین.
ل دویماهییا ڕێورەسمان، دوعایێن خێرێ بۆ گیانێ وی هاتنە کرن کو خودایێ مەزن جهێ وی بکەتە بەهەشتا بەرین و سەبر و هەدارێ بدەتە بجێی ببیرئینانێ یە، (سەربەست زاخۆیی) کو کادرەکێ چالاکێ لقێ 8 یێ پارتی بوو، مخابن ئێڤارییا دووہی د ڕوودانەکا دلتەزین گیانێ خۆ ژ دەستدابوو.
