هەولێر-KDP.info- دکتۆر شاخەوان عەبدوڵڵا سەرۆکی فراکسیۆنی پارتی دیموکراتی کوردستان لە پەرلەمانی عێراق، پیرۆزبایی (١٥) ساڵەی دامەزراندنی (KDP.info) دەکات و دەڵێ، (KDP.info) هەمیشە بایەخێکی تایبەتی بە پرسە نیشتمانی و نەتەوەییەکان داوە، بەتایبەت لە گواستنەوەی ڕاستییەکان و داکۆکیکردن لە مافە دەستوورییەکانی گەلەکەمان.
دەقی پەیامی پیرۆزباییەکەی سەرۆکی فراکسیۆنی پارتی لە پەرلەمانی عێراق:
بەڕێزان: بەڕێوەبەر و ستافی میدیایی ماڵپەڕی فەرمیی پارتی دیموکراتی کوردستان
بەبۆنەی ١٥یەمین ساڵیادی دامەزراندنی ماڵپەڕی (KDP.info)، گەرمترین پیرۆزبایی خۆم و فراکسیۆنی پارتی لە پەرلەمانی عێراقتان ئاراستە دەکەم.
ماڵپەڕی فەرمیی پارتی لە ماوەی پازدە ساڵی ڕابردوودا، مینبەرێکی گرنگ و کاریگەر بووە لە گەیاندنی هەواڵ و زانیارییەکان بە شێوەیەکی پیشەییانە و ڕاستگۆیانە. جێگەی دەستخۆشییە کە ئەم سەکۆیە هەمیشە بایەخێکی تایبەتی بە پرسە نیشتمانی و نەتەوەییەکان داوە، بەتایبەت لە گواستنەوەی ڕاستییەکانی پەیوەست بە کێشەکانی نێوان هەرێمی کوردستان و بەغدا و داکۆکیکردن لە مافە دەستوورییەکانی گەلەکەمان.
هیوای سەرکەوتنی بەردەوامتان بۆ دەخوازم لە گەیاندنی دەنگ و ڕەنگی ڕەسەنی کورد و کوردستان، بۆ ئەوەی وەک هەمیشە پێشەنگ بن لە پاراستنی بەها باڵاکانمان.
دووبارە یادی دامەزراندنی (KDP.info) پیرۆز بێت و هەمیشە سەرکەوتوو بن.
دکتۆر شاخەوان عەبدوڵڵا
سەرۆکی فراکسیۆنی پارتی دیموکراتی کوردستان لە پەرلەمانی عێراق
٢٨ـی شوباتی ٢٠٢٦