هەڵەبجە-KDP.info- د. محەمەد خورشید ئەندامی کۆمیتەی ناوەندی و بەرپرسی لقی ١٢ـی هەڵەبجەی پارتی دیموكراتی كوردستان، پیرۆزبایی (١٥) ساڵەی دامەزراندنی (KDP.info) دەکات و ڕایدەگەیەنێت، ماڵپەڕی فەرمی پارتی سەکۆیەکی متمانەپێکراو و پارێزەری ڕاستەقینەی بەرژەوەندییە باڵاکانی گەلی کوردستانە."
دەقی پەیامی پیرۆزباییەکەی بەرپرسی لقی ١٢ـی هەڵەبجە:
بۆ بەڕێزان/ بەڕێوەبەر و ستافی ماڵپەڕی فەرمیی پارتی دیموکراتی کوردستان
بەبۆنەی (١٥)یەمین ساڵیادی دامەزراندنی ماڵپەڕی فەرمی پارتیمان (KDP.info)، گەرمترین پیرۆزبایی ئاراستەی ئێوەی ماندوونەناس و سەرجەم کادیر و کارمەندانی ئەم دەزگا میدیاییە گرنگە دەکەین.
ماڵپەڕی فەرمی پارتی لە ماوەی (١٥) ساڵی تەمەنیدا، بە پەیڕەوکردنی ڕێنماییەکانی جەنابی سەرۆک بارزانی و پرەنسیپە پیشەییەکان، توانیویەتی ببێتە سەکۆیەکی متمانەپێکراو و پارێزەرێکی ڕاستەقینەی بەرژەوەندییە باڵاکانی گەلی کوردستان.
ئەم دەزگایە وەک زمانحاڵێکی ڕاستگۆ، هەمیشە لە سەنگەری بەرگریکردن بووە لە مافە نەتەوەییەکان و سەرچاوەیەکی سەرەکی بووە بۆ گەیاندنی ڕاستییەکان بە ناوخۆ و دەرەوە.
دەستخۆشی لە هەوڵ و کۆششە بەردەوامەکانتان دەکەین و هیوای سەرکەوتن و گەشەکردنی زیاترتان بۆ دەخوازین لە کاروانی میدیایی و نیشتمانیتاندا.
دووبارە یادەکە پیرۆزبێت.. هەر شاد و سەرکەوتووبن.
د. محەمەد خورشید
ئەندامی کۆمیتەی ناوەندی پارتی دیموکراتی کوردستان
بەرپرسی لقی ١٢ـی هەڵەبجەی (پ.د.ک)
٢٨ / ٢ / ٢٠٢٦