دهۆک-KDP.info- ب هەلکەفتا ١٥ سالیا دامەزراندنا ماڵپەڕێ فەرمیێ پارتی دیموکراتی کوردستان، عومەر ئورەیێ، بەرپرسێ لقێ ٨ یێ پارتی دیموکراتی کوردستان، بروسکەکا پیرۆزباهیێ ئاراستەی ڕێڤەبەر و ستافێ ماڵپەڕی دکەت.
بروسکەیا پیرۆزباهییا لقێ ٨ یێ پارتی دیموکراتی کوردستان:
بۆ بەڕێزان/ ڕێڤەبەر و ستافێ ماڵپەڕێ فەرمیێ پارتی دیموکراتی کوردستان (KDP.info)
ب هەلکەفتا ١٥ ساڵیا دامەزراندنا ماڵپەرێ فەرمی یێ پارتی دیموکراتی کوردستان، گەرمترین پیرۆزباهیان ئاراستەی هەوە و هەمی کادر و خەباتکارێن ڕاگەهاندنا پارتیا مە دکەین.
د ماوێ ڤان ١٥ ساڵێن پڕ داهێنان و کارکرنێ دا، ماڵپەرێ هەوە شیایە ببیتە ژێدەرەکێ سەرەکی، باوەرپێکری و مەرجەعەکێ میدیایی بۆ گەهاندنا هەلوێستێن فەرمی یێن پارتی و دۆزا ڕەوا یا گەلێ کوردستانێ. هەوە د ناڤ جیهانا میدیایا دیجیتاڵی دا، ب ڕاستگۆیی و دلسۆزی پەیاما نەتەوەیی پاراستیە و گەهاندیە هەمی مال و تاکەکێ کورد ل هەر چوار پارچەیێن کوردستانێ و دەرڤەی وەلاتی.
ئەم ل لقێ ٨، بلند نرخاندنا خوە بۆ ماندووبوونا هەوە دکەین و هیڤیا بەردەوامی و سەرکەفتنێن مەزنتر د ڤێ ساڵا نوو دا بۆ هەوە دخوازین. هیڤیدارین هەر دەم د پێشەنگیا خزمەتکرنا زمان، دیرۆک و ئارمانجێن بلند یێن پارتیا مە و ڕێبازا پیرۆزا بارزانیێ نەمر دا بن.
دووبارە ١٥ ساڵیا دامەزراندنا ماڵپەری ل هەوە پیرۆز بیت و هەر شاد و سەرکەفتی بن.
عومەر ئورەیێ
بەرپرسێ لقێ ٨ یێ پارتی دیموکراتی کوردستان
٢٨ێ شوباتا ٢٠٢٦