ئاری ئەحمەد، بەڕێوەبەری ئاوی ھەرێمی کوردستان، بۆ ماڵپەڕی فەرمیی پارتی دیموکراتی کوردستان گوتی  "کارکردن لەپڕۆژەی ئاوی چەمچەماڵ بەردەوامە و کارەکانیش باش بەرێوەدەچن، ئێستا ڕێژەی ٣١%ی ئەنجام دراوە و بۆ ١١کم بۆڕی دابینکراوە، کارە مەدەنییەکانی وەکو حەوزەکان و بەشەکانی دیکە بەڕێژەی ٧٥%ی تەواو بووە، سەرەڕای ئەوەی دۆخی دارایی باش نییە، بەڵام کارەکان باش بەڕێوە دەچن، گەر کێشەی دارایی نەبێت ئەمساڵ پڕۆژەکە تەواو دەبێت و دەکەوێتە خزمەت ھاووڵاتییان، بۆ ئەو مەبەستەش کۆمپانیای جێبەجێکار بەڵێنی داوە." 

ئاری ئەحمەد گوتیشی "زۆرینەی کەلوپەلە کارەبایی و میکانیکییەکان گرێبەستیان بۆ کراوە و بەردەوام دابین دەکرێن، چونکە بودجەکەی زۆرە، ١١٤ملیار دینارە.  حکوومەتی ھەرێمی کوردستان جدییە لە تەواوکردنی ئەو پڕۆژەیە و خستنە خزمەت ھاووڵاتییان، کە بەتەواوبوونی کێشەی ئاو لە چەمچەماڵ، تەکیە، ڕزگاری و ناوچەکە بەگشتی چارەسەر دەبێت، چونکە پڕۆژەکە نزیکەی ٣ھەزار و ٤٠٠مەتر سێجا ئاو لە کاتژمێرێک دابیندەکات و ٢٥٠ ھەزار ھاووڵاتیش سوودی لێ وەردەگرن." 

بڵند ئیبراھیم