هەولێر-KDP.info- نێچیرڤان بارزانى سه‌رۆكى هه‌رێمى كوردستان، بەهۆی کۆچی دوایی باوکی، سەرۆکی پێشووی پەرلەمانی کوردستان، پرسە و سەرەخۆشی ئاراستەی خاتوو ڕێواز فایه‌ق و خانه‌واده‌ و كه‌سوكارى کرد.

دەقی پرسەنامەكه‌ی سه‌رۆكى هه‌رێمى كوردستان:

بۆ كۆچى دواییى خوالێخۆشبووى باوكیان، پرسه‌ و سه‌ره‌خۆشیى قووڵم ئاراسته‌ى خاتوو د. ڕێواز فایه‌ق، سه‌رۆكى پێشووى په‌رله‌مانى كوردستان و خانه‌واده‌ و كه‌سوكارى به‌ڕێزیان ده‌كه‌م، هاوسۆز و هاوخه‌میانم.

له‌ خواى مه‌زن داواكارم گیانى خوالێخۆشبوو به‌ به‌زه‌یى و میهره‌بانیى خۆى شاد بكات و ئارامى و دڵنه‌وایى به‌ هه‌مووان ببه‌خشێت.

نێچیرڤان بارزانى

سه‌رۆكى هه‌رێمى كوردستان

2025/12/3