Hewlêr-KDP.info: Nêçîrvan Barzanî êrişa li Qada Gazê ya Kormorê şermezar kir û ragihand ku ew êriş gefeke rasterast a li ser asayîş û aramiya welêt e.

Naveroka Peyama Serokê Herêma Kurdistanê:

Bi tundî ez wan êrîşên terorîstî yên ku şeva borî li ser zeviya Kormorê hatin kirin, şermezar dikim. Ev êrîş dijî binesaziya aborî û xizmetguzariyên giştî yên Iraqê û Herêma Kurdistanê ne û metirsiyeke rasterast li ser asayîş û aramîya welat e.

Erk û berpirsyariya Hikûmeta Federal a Iraqê û saziyên ewlehiyê yên peywendîdar e ku di zûtirîn dem de hewleke ciddî bidin û rêkarên pêwîst û bi bandor bigirin ber ji bo lêpirsîn û sizakirina encamderên vî tawanî û rêgirtin li dubarebûna wê.

Nêçîrvan Barzanî
Serokê Herêma Kurdistanê
27/11/2025