ھەولێر-KDP.info- نێچیرڤان بارزانى سه‌رۆكى هه‌رێمى كوردستان، بۆ کۆچی دوایی خوالێخۆشبوو (هۆگر شاڵى)، بریكارى پێشووى وه‌زاره‌تى كاره‌با پرسەنامەیەک ئاراستەی خانەوادەکەیان دەکات.

دەقی پرسەنامەکەی سه‌رۆكى هه‌رێمى كوردستان:

پرسه‌ و سه‌ره‌خۆشیى قووڵم پێشكه‌ش به‌ خانه‌واده‌ى خوالێخۆشبوو هۆگر شاڵى، بریكارى پێشووى وه‌زاره‌تى كاره‌با و كه‌سوكارى به‌ڕێزیان ده‌كه‌م كه‌ به‌داخه‌وه‌ به‌ نه‌خۆشى كۆچى دوایى كرد. هاوسۆز و هاوخه‌میانم.

خوالێخۆشبوو نموونه‌ى مرۆڤێكى پاك و دڵسۆز بوو كه‌ زۆر و به‌ كارامه‌یى و لێهاتوویى خزمه‌تى به‌ وڵاته‌كه‌ى كرد. له‌ خواى مه‌زن داواكارم گیانى به‌ به‌زه‌یى و میهره‌بانیى خۆى شاد بكات و ئارامى و دڵنه‌وایى به‌ هه‌مووان ببه‌خشێت.

نێچیرڤان بارزانى

سه‌رۆكى هه‌رێمى كوردستان

2025/11/3