ھەولێر-KDP.info- سەرۆکی حکوومەتی ھەرێمی کوردستان، سەرەخۆشی لە بنەماڵەی ھونەرمەند سلێمان شاکر دەکات و دەڵێت: ھونەرمەندێکی نیشتمانپەروەر بوو، خزمەتێکی زۆری ھونەری شێوەکاری کردووە.
دەقی پەیامی سەرۆکی حکوومەتی ھەرێمی کوردستان.
پرسە و سەرەخۆشیی خۆم ئاراستەی بنەماڵە و کەسوکاری بەڕێزی ھونەرمەندی شێوەکاری ناوداری کوردستان سلێمان شاکر دەکەم و ھاوبەشی خەمیانم.
مامۆستا سلێمان شاکر، ھونەرمەندێکی نیشتمانپەروەر بوو، خزمەتێکی زۆری ھونەری شێوەکاری کردووە و ڕۆڵێکی دیاری لەم بوارەدا ھەبوو.
خودای مەزن گیانی بە بەھەشت شاد بکات و ئارامی و دڵنەواییش بە بنەماڵە و دۆست و ھاوڕێکانی ببەخشێت.
مەسروور بارزانی
سەرۆکی حکوومەتی ھەرێمی کوردستان
٢ـی تشرینی یەکەمی ٢٠٢٥