ھەولێر-KDP.info- پارێزگاری هەولێر ئاماژە بەوە دەکات، ئەمساڵ بەشێوەیەکی زۆرباش و بەبێ هەبوونی هیچ گرفتێک پێشوازی لە زیارەتکارانی ئێرانی دەکەین.

ئومێد خۆشناو، پارێزگاری هه‌ولێر، ئەمڕۆ پێنجشەممە، 7ـی ئابی 2025، لە کۆنگرەیەکی ڕۆژنامەوانیدا  ڕایگه‌یاند، "زیاره‌تكارانی چله‌ی ماته‌مینی ئیمام حوسێن كه‌ له‌ ئێرانه‌وه‌ دێن و ده‌چنه‌ ناوه‌ڕاست و خوارووی عێراق كاتێكی زۆریان بۆ ده‌گه‌ڕێته‌وه‌ كه‌ به‌ كوردستاندا گوزه‌ر ده‌كه‌ن.

ئومێد خۆشناو، گوتی، "ئەمساڵ بە شێوەیەکی زۆرباش و بەبێ هیچ گرفتێک زیارەتکاران لە دەروازەی نێودەوڵەتیی حاجی ئۆمەرانەوە تاوەکوو بازگەی شێراوە بەڕێ دەکەین. 

پارێزگاری هەولێر، ئاماژەی بەوە کرد، گشت لایه‌نه‌ په‌یوه‌ندیداره‌كانی حكوومه‌تی هه‌رێمی كوردستان له سه‌ر ڕاسپارده‌ی سه‌رۆك بارزانی باشترین خزمه‌ت به‌و زیاره‌تكاره‌ خۆشه‌ویستانه‌ ده‌كه‌ن.

بە گوتەی فەرامەرز ئەسەدی، کونسوڵی گشتیی ئێران لە هەولێر ژمارەی زیارەتکاران ئەمساڵ دەگاتە 150 هەزار کەس.