ھەولێر-KDP.info- بارەگای بارزانی ڕاگەیەندراوێک لەبارەی ئەو بێڕێزییە بڵاو دەکاتەوە کە بەرامبەر بە میری ئێزیدیان کراوە و ھەروەھا جەخت لە پشتیوانی خۆی بۆ میر حازم تەحسین بەگ دووپات دەکاتەوە.
دەقی ڕاگەیاندراوەکەی بارەگای بارزانی.
بەناوی خودای بەخشندە و میھرەبان
زۆر بە توندی ئیدانەی ئەو بێڕێزییە دەکەین کە لەلایەن کەسێکی نەزانی ئێزیدی لە شاری بەرلین کراوەتە سەر بەڕێز میر حازم تەحسین بەگ میری ئێزیدیان لە کوردستان و جیھان و سەرۆکی جڤاتا رۆحانی ئێزیدیان.
ئەم جۆرە ڕەفتارە مەبەستی خەراپەکارانەی لە پشتە و بە ھیچ شێوەیەک قبوڵکراو نیە.
ھەر لێرەوە پشتیوانیمان بۆ بەڕێز میر حازم تەحسین بەگ دووپات دەکەینەوە و ھەموو ھەوڵێکیش بۆ دروستکردنی دووبەرەکی لەناو ئێزیدیان و سوکایەتیکردن بە پیرۆزییەکانیان ڕەت دەکەینەوە.
بارەگای بارزانی
٥ی ئابی ٢٠٢٥