دھۆک_KDP.info_ ئەڤرۆ بەرپرسێ مەکتەبا رێکخستنا پارتی دیموکراتی کوردستان ل دھوک، سەربەست لەزگین دوو ترۆمپێل وەکو دیاریا مەکتەبا رێکخستنا پارێزگەھا دھـۆکێ پێشکێشی دوو قوتابیێن پۆڵا دوانزدێ ل سەر ئاستێ وێژەی و زانستی کرن.
ئەڤرۆ رۆژا دووشەمبی رێکەفتی٤-٨-٢٠٢٥ێ ”سەربەست لەزگین ”ئەندامێ مەکتەبا سیاسی یا پارتی و بەرپرسێ مەکتەبا رێکخستنا پارێزگەھا دھـۆکێ ب ئامادەبوونا خانم”د.ڤیان سلێمان” ھاریکارا بەرپرسێ مەکتەبێ دوو ترۆمپێل وەکو دیاریا مەکتەبا رێکخستنێ پێشکێشی قوتابی”کاڕا ھاشم دەرباس”و قوتابی ”ساڕە دیواڵی شوکری” کرن کو بڵندترین نمڕە بدەستخۆڤە ھـیناینە ل پۆڵا دوانزدێ ل سەر بەشێن وێژەی و زانستی ل سەر ئاستێ مەکتەبا رێکخستنا پارێزگەھا دھـۆکێ.
ئارمانج ل دیاریا مەکتەبا رێکخستنا پارێزگەھا دھـۆکێ پشتەڤانیە بۆ قوتابیان داکو ھەر ساڵ گرنگیێ ب ئاستێ خۆ بدەن ل سەر ھەردوو بەشێن وێژەی و زانستی و نمرەیێن باش بدەستخۆڤە بینن و داکو ل پاشەرۆژێ مفایی ل شیانێت وانا ببینین و خزمەتا گەڵ و وەلاتێ خۆ بکەن .
بڵند ئیبراھیم
