ھەولێر-KDP.info- بە بۆنەی(۱٨)ەمین ساڵیادی دامەزراندنی ڕادیۆ و تەلەفزیۆنی سلێمانی، بەشی ڕۆشنبیری و ڕاگەیاندنی پارتی دیموکراتی کوردستان، پەیامێکی پیرۆزبایی ئاراستەی بەڕێوەبەر و ستافی بەڕێوەبردن و سەرجەم کارمەندان و هونەرکاران لە ڕادیۆ و تەلەفزیۆنی سلێمانی کرد.
دەقی پەیامەکەی بەشی ڕۆشنبیری و ڕاگەیاندنی پارتی بۆ ڕادیۆ و تەلەفزیۆنی سلێمانی.
بەڕێزان/ بەڕێوەبەر و ستافی بەڕێوەبردن و سەرجەم کارمەندان و هونەرکاران لە ڕادیۆ و تەلەفزیۆنی سلێمانی.
بەر لە (۱٨) ساڵ ڕادیۆ و تیڤی سلێمانی وەک کەناڵێکی نێوخۆیی هەرێمی کوردستان دامەزرا، ئەو هەنگاوە گرینگەی پارتیمان لە بواری میدیا و ڕاگەیاندن ڕۆڵێکی کاریگەری هەبووه بۆ خزمەتگەیاندن و برەودان بە کایە ڕۆشنبیری و کولتوورییەکان.
ڕادیۆ و تەلەفزیۆنی سلێمانی لە ڕێگەی چالاکیی ڕۆژانەی خۆیدا و پێشکێشکردنی بەرنامە هەمەجۆرەکانی، توانیویەتی داواکارییەکانی دانیشتوانی ئەو ناوچەیە بخاتەڕوو و لە ئاست ئەو پەیام و بەرپرسیارەتییە دابێت بۆ داکۆکیکردن لە خواست و ویستی هاووڵاتییان و جێگەی متمانه بێت.
لەم دەرفەتەدا وێڕای پشتیوانیی خۆمان بۆ بەرەو پێشچوونی ئەو کەناڵە گرنگە، گەرمترین پیرۆزبایی خۆمان ئاراستەی ئێوەی هێژا و گوێگران و بینەرانی ئازیز دەکەین، ئومێدەوارین بۆ ساڵی داهاتوو بە پلان و کارنامەی باشتر، پەیامی ڕاست و دروستی خۆتان بگەیەنن و بە هیوای پێشکەوتنی زیاتر لە کار و بەرنامەکانتان.
بەشی ڕۆشنبیریی و ڕاگەیاندنی پارتی دیموکراتی کوردستان
۳۱ی تەموزی ۲۰۲٥