بەغدا-KDP.info- نوێنەری حکوومەتی ھەرێمی کوردستان لە فەرماندەیی گشتیی ئۆپەراسیۆنە ھاوبەشەکانی عێراق رایدەگەیەنێت، بۆ لێکۆڵینەوە لە ھێرشە درۆنییەکانی سەر ھەرێمی کوردستان، سبەی لیژنەیەکی باڵای ئەمنی دەگاتە ھەولێر.
لیوا عەبدولخالق تەڵعەت، نوێنەری حکوومەتی ھەرێمی کوردستان لە فەرماندەیی گشتیی ئۆپەراسیۆنە ھاوبەشەکانی عێراق، بە ماڵپەڕی فەرمیی پارتی دیموکراتی کوردستانی ڕاگەیاند، "لە ماوەی ڕابردوودا دوای ھێرشە درۆنییەکان بۆ سەر ھەرێمی کوردستان، لیژنەیەکی باڵا لە فەرماندە ئەمنییەکان لە بەغدا سەردانی ھەرێمی کوردستانی کرد و بەدواداچوونی بۆ کرد و بڕیارە سبەینێش لیژنەیەکی تایبەتمەندی ئەمنی بگاتە ھەولێر بۆ ئەوەی دەست بە لێکۆڵینەوە بکەن، کە لە وەزارەتی بەرگری و ھەواڵگری و ئەمنی گشتی و ئەمنی نیشتیمانی و بەڵگەنامەی تاوانەکان پێکهاتووە و دەست بە لێکۆڵینەوەی خۆیان دەکەن لەبارەی ئەو ھێرشانەی دەکرێنە سەر ھەرێمی کوردستان.
بڵند ئیبراھیم