عارف ڕوشدی

ئۆپۆزیسیۆنی نیشتیمانپەروەر، خاوەن پرینسیپ و بەرنامەی نیشتیمانین، بە بیرۆکە هەنگاوی ئەرێنی ڕکابەری دەکەن و هەوڵ دەدەن  بۆ کۆمەڵانی خەڵک بیسەلمێنن، دەتوانن باشتر سەروەری وڵات و مافە ڕەواکانی گەل  بپارێزن، لە بواری  خزمەتگوزاریدا، پلانی چالاکتریان دەبێت لە هەموو بوارەکان.

بەڵام بە داخەوە، به‌شێك له‌وانەی لە هەرێمی کوردستاندا خۆیان بە ڕکابەر دەناسێنن، 100% پێچەوانەی بنەماکانی کاری ڕکابەرین، بەڵکو لە هەوڵێکی بێوچانی کۆنەپارێزیدان، بۆ ئەوەی هەرچی سیمای نەتەوەیی نیشتیمانی هەبێت، بە هزری ملکەچانە بەربەرچی بدەنەوە.

شێلگیرانە دژی پرۆسەی بە مەدەنیکردنی ژیان و گوزەرانی خەڵکی کوردستانن.

دژی پرۆسەی بە بانکیکردنن (هەژماری من).

دژی پرۆسەی سەردەمیانەی (ڕووناکی)ـن. 

دژی پرۆسەکانی پتەوکردنی ژێرخانی کۆمەڵگەی کوردەوارین. 

دژی هەر ڕێککەوتنێکی سەربەرزانەن لەگەڵ بەغدا. 

سەرچاوەی هەڵای ڕاگەیاندنی چەواشەکارین. 

هاندەری یاخیبونی گەنجانن لە هزری نیشتیمانپەروەری و  بێ هیواکردنیانن. 

ئەم بە ناو ئۆپۆزیسیۆنانە ناتوانن هەڵگری شوناسی (ئۆپۆزیسیۆن)ـی ڕاستەقینە بن، بەڵکو تەنیا دژبەری ژیان و خاوەن پیشەی هەرزانفرۆشن.